亞熱帶
尹恩惠 材女
拍劇做開傻大姐的尹恩惠，在新劇《想你》大玩悲情又掂，人氣反彈；唔單止讀大學，尹恩惠近日又晉身導演拍微電影，逐步邁向「才女」行列。不過，尹恩惠唔止有「才」，仲係「材女」，向來唔怕賣弄 33C火辣身材，趷籮、拋胸、露背樣樣做齊，難怪宅男 fans眾多！
今年 28歲的尹恩惠 15歲加入女子組合「 Baby V.O.X」出道，及後她離開樂壇，參加電視台的處境劇《彩虹羅曼史》及在綜藝節目《 X-Man》做主持，直至拍韓劇《宮》及《咖啡王子 1號店》起朵，尹恩惠先至全職做演員。而且她亦開始在廣告、雜誌行性感，人氣愈谷愈勁。
不過，拍完《拜託小姐》及《對我說謊試試》之後，尹恩惠去年重返校園，考入韓國中央大學，並執導微電影《織》，唔止做靚女，仲要做埋才女。新劇《想你》大收，亦令尹恩惠人氣再度急升。
露玉背
尹恩惠去年為雜誌拍性感照，當中有一幅裸背揸蘋果，和今年蔡依林在台灣版《 ELLE》的封面造型甚似。不過論養眼，呢次 G奶都輸俾尹恩惠。
晒巨胸
睇番以前 啲相，尹恩惠個樣就一樣咁靚 嘞，不過個胸就至少「發育」 咗 3個 cup。
07年平胸
趷靚籮
將自己放上 枱之外，無袖白色恤衫仲透出趷起 嘅靚股，只可惜尹恩惠露埋自己十隻雞仔腳趾，要扣分。
白滑腿
尹恩惠雖然冇 42吋長腿，不過一雙白滑光管腳就好搶眼，加上穿上高 踭鞋，成功營造長腿錯覺。《 NEXT ONE圖片》
靠按摩靚面
唔好以為尹恩惠樣靚皮膚白，就一定有好多飲食禁忌，她說：「我份人完全唔戒口。想杜絕痘痘，都係從保養着手，洗面、卸妝都要認真。冬天固然要補水，夏天亦要注意保濕。因為夏天紫外線強，體內水分流失得快，就要靠保濕保證肌膚水潤，以及保護皮膚免受光照傷害。」
想 keep fit，唔係節食，就係做運動。偏偏尹恩惠鍾意油炸食物同港式飲茶，亦唔愛做運動。「運動？多 啲按摩仲好啦！想膚色好，就要經常用手指為面部做按摩。最緊要係心平氣和，人開心皮膚就好！」
皮膚可以後天執靚，咁尹恩惠個靚樣同身材又可以點搞先？有台灣媒體格過價，其實只需要 10萬港元，就可以整到有尹恩惠的 C級身材；如果想要埋尹恩惠個高鼻呢，俾多 3萬 8就搞掂。女士們，原來使十幾萬就可以變成「香港尹恩惠」，姊妹們係咪覺得有得諗先？
尹恩惠曾經同阮經天在內地電話廣告合作。今年阮經天與女友許瑋甯鬧情變，尹恩惠一度被傳是第三者，惟煲水居多。
在成名作《宮》，尹恩惠為完成爺爺的遺言，必須與同校的皇太子朱智勳結婚。但二王子金楨勳又力追她，是韓劇典型的四角關係。
尹恩惠在《對我說謊試試》演高齡剩女,她欺騙舊同學，話自己同有錢仔姜至奐結婚。
新劇慘到盡
在《想你》中，出身是殺人犯女兒的尹恩惠，長大後成為時裝設計師，同俞勝豪已去到婚嫁階段。尹恩惠此時重遇初戀男友朴有天，得知朴有天多年來一直等自己，而朴有天和俞勝豪是叔姪，愛情同爭產令這段三角關係更複雜！《想你》收視最高一集達 14.2%（逾 700萬人），成為近日熱播韓劇。
近日興姊弟戀， 26歲的朴有天細尹恩惠兩年，食正呢個熱潮。朴有天今年以《屋塔房王世子》爆紅，今次繼續賣靚仔，而尹恩惠就不時大灑眼淚。
少女版尹恩惠（金素賢飾）為救初戀男友少年朴有天（韓正宇飾），導致自己慘被強姦。少年朴有天和她一同被綁架，他把握機會逃走找人求救，卻被女方一直誤會他驚死逃走。
留言列表
{{ article.title }}
