幸福到漏
鄺美雲與男友抱埋囝囝 Cash同 Euro影大合照時,大家起哄叫咀嘴。 Euro即時幫手解圍,搶先錫主人一啖。當時二人開心到暈,幸福兩個字浮晒上面。

上流滙

啜慶 50

2012年12月28日 ~~ 第909期 忽然1周

有說戀愛中的女人特別容光煥發,鄺美雲( Cally)是最佳見證。周一( 24日)平安夜,是鄺美雲的 50歲生日,她於跑馬地舉行主題「幸福 50」的生日派對,宴請 2百位好友。以往生日有寶貝仔 Cash與 Euro傍實的她,今年截然不同,皆因今年是她與男友恒基樓王林達民( Thomas)度過的首個生日。派對現場,二人恩愛到不得了,男方出盡 冧招,上台送花兼大唱情歌。難怪二人拍拖 5個月,已到見家長階段,感情突飛猛進。 Cally說︰「伯母好熱情,好鍾意拖住我隻手傾偈,佢成日笑,但冇講過結婚 嘅事。」幸福到咁嘅地步,有冇一紙婚書都冇所謂。

男友送吻




林達民被司儀邀請上台唱歌時,搞笑說︰「我冇諗過有呢個環節!」不過隨即便望住鄺美雲唱〈愛很簡單〉,明顯有備而來,唱完後更對女方送吻, 冧到不得了。 

情歌互 冧




男友唱完 冧歌,鄺美雲亦唱〈月亮代表我的心〉回敬,二人全程對望,旁若無人。之後台下起哄叫嘴對嘴,二人笑唔停說︰「吓!咁快就咀呀!」最終二人亦怕造成混亂,咀嘴都係留番屋企做算喇! 

明年皈依




身為佛光會會長的鄺美雲,拍拖亦不忘宣揚佛學。早前她帶同男友到佛堂參加法會,男方更計劃明年 4月趁星雲大師來港時,正式皈依。有共同信仰,溝通都可以深層次的啦! 

保鑣傍實




當晚戴上過千萬珠寶的鄺美雲,除了有男友傍住,更有 4名保鑣𥄫到實,相當誇張。 

千萬行頭


經營珠寶生意的鄺美雲,當晚戴上過千萬自家品牌的黃鑽套裝(左圖)示人,而左手無名指的十卡梨形鑽戒特別搶眼。問到男友可有送贈鑽飾,她笑說:「我叫佢唔好送,鑽戒要結婚先送。」





蒙麵到賀




鄭伊健及蒙嘉慧亦為了鄺美雲高調現身,更與林珊珊陪住到場,不過一見記者即急步入場。而林珊珊手中的護膚品禮盒,相信就是鄺美雲的生日禮物。 

Cash搶鏡




當晚除了壽星女受歡迎, Cash與 Euro亦相當搶鏡,不少賓客排住隊合照。當日蘇志威一家三口到賀,與囡囡玩到唔捨得走。 

訂做狗仔衫


時裝設計師何國鉦則以 Cash、 Euro的衫仔作為鄺美雲的生日禮物,「 Cally話唔好送禮,我知道佢未準備狗仔衫,咪即日用兩個鐘幫佢做好,仲襯埋 bow tie仔。」





50萬慶生


大師贈言朱古力
生日派對以佛經、五片朱古力作回禮,而粉紅色朱古力盒上印有鄺美雲題字「幸福 50」,五片朱古力的包裝紙是星雲大師的贈言。

鄺美雲今年花了 50萬宴請好友出席生日派對,不過講到明唔收禮物,呼籲好友行善,可將心意捐去佛光會。 

撰文:名人組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()