親密繑手
21/12凌晨四點
之後二人行去寓所,其間 Vivian更情不自禁地繑實 Avis,而 Avis亦表現得十分受落,笑得好開心。

滾熱辣

男友偷食拖高登女神返家 周秀娜:要用繩綁住佢

2012年12月28日 ~~ 第909期 忽然1周

由𡃁模升呢做娜姐的周秀娜,出道時便自爆有位模特兒男友 Avis(陳偉成),二人不時高調晒恩愛。上周四( 20日),她更自爆會為男友煮聖誕大餐,看來打風打唔甩。
正當娜姐諗計與男友過浪漫聖誕之際,有偷食前科的 Avis卻作反。上周五( 21日)凌晨,本刊拍得 Avis鬼祟與有高登女神之稱嫩模 Vivian(羅彩玲)夜蒲,之後更帶埋佢返自己屋企過夜,偷食斷正。
其他女人瞓過男友張牀,娜姐唔嬲就假。周三( 26日),娜姐邊睇相邊剷爆男友:「要用繩綁住佢!」

互動片段

周秀娜男友深宵食高登女



情海翻波
Avis和娜姐拍拖五年,但男方經常偷食,女方又事業心重,搞到感情愈來愈淡。《蘋果日報》圖片

近年周秀娜(娜姐)北上搵人仔,但依然遙距監控拍拖五年的男友陳偉成( Avis)。 Avis每當被拍得有女埋身時,娜姐都會大發雌威宣示主權,又透過傳媒向男友頒布禁慾令。 

發現記者即閃


不過要箍住男人的心和身,並非齋噏就得,一向多女埋身的 Avis,亦唔會單憑娜姐一句半句就修心養性。上周五( 21日)約凌晨兩時, Avis現身尖沙嘴夜場,他與數名男性朋友排隊等蒲期間,本刊發現曾推出寫真、有高登女神之稱的 嫰模 Vivian,原來鬼祟地跟 Avis搭上。大約一小時後, Avis與 Vivian等一班人飲飽食醉後離開, Avis攞車之際, Vivian自動波尾隨上車,坐在 Avis隔籬,儼如女主人。
二人由尖沙嘴出發到馬鞍山落車,其間 Vivian趁街上冇人,便乘機繑住 Avis手臂一齊行。之後, Avis似乎發現記者,便立即鬆開 Vivian隻手,一支箭衝入自己寓所大堂,留低 Vivian於大閘外,要大廈保安開閘讓她入屋,過程相當鬼祟。直至翌日早上十一時,二人亦未落樓。


事敗緊張
由於當時人少車少,機警的 Avis不久便聽到記者相機的快門聲,他立即鬆開 Vivian隻手,更叫 Vivian留意現場有冇記者。


慌張急撇
Avis懷疑現場有記者後,便嗱嗱聲衝入寓所大堂,更做手勢示意尾隨 Vivian行快啲。


前後入屋
由於 Avis驚得滯,等唔切 Vivian便一條友返入寓所大堂,令 Vivian十分尷尬,要保安開門才可以進入大堂。

自稱下體鑲珠


據知 Avis和 Vivian於一個多月前透過朋友介紹認識,經過幾次夜蒲後,二人便愈玩愈埋。「有次佢哋一齊嚟,之後又一齊跳舞, Vivian開始等埋 Avis先走,大家都知佢哋有路。」 Avis身邊好友說。
今年 30歲的 Avis,擁有 5呎 11吋高及 42吋胸肌,絕對秀色可餐,不過於娜姐的馴服之下, Avis即使對異性起痰亦點到即止。但隨着娜姐將事業重心向北移,與 Avis開始聚少離多,再次激發他潛在的獸性,而且他溝女招數層出不窮。知情人士說:「近排 Avis多咗去蒲,啲女仔見到佢條件唔差,當然主動埋身。但 Avis好識𠱁女仔,仲成日自誇下面鑲珠,性能力好犀利。加上佢同娜姐嘅事業愈來愈懸殊,溝女令佢會攞番優越感!」


鬼祟夜蒲
上周五( 21日)凌晨兩點多, Avis於末日唔陪正印娜姐,竟然漏夜竄到尖沙嘴夜蒲。記者發現,戴住帽的 Vivian當時靜雞雞緊隨 Avis身後。


便利店買嘢
Avis載住 Vivian返到馬鞍山寓所,二人甫下車後,先到寓所附近的便利店買嘢。蒲到咁夜都有精力去便利店,相信 Avis所買的東西極為重要。

娜姐睇相愕然


周三( 26日)娜姐出席商場活動,記者問她聖誕節是否與男友 Avis共度時,她一改以往晒命作風,說:「唔……都係同屋企人過啦!佢( Avis)唔係我屋企人,我有送嘢俾佢,但仲未收到佢嗰份禮物喎!(擔唔擔心有女仔埋佢身?)冇話驚唔驚喎!朋友唔係男就係女㗎啦!」記者之後向她遞了 Avis偷食照片,她看後一臉愕然,並說:「我唔識呢個女仔喎!吓!……吓!呢度邊度嚟㗎?(你冇理由唔知係 Avis屋企喎!)吓!都係一班朋友玩吓咋!我唔知呢件事,佢冇同我講,真係要用繩綁住佢。」
另一邊廂, Avis對於偷食一事,斷然否認:「嗰晚唔係過夜,仲有四五個朋友,因為大家飲咗酒,佢有啲醉,又着住高踭鞋,所以先扶住我啫!(驚唔驚娜姐嬲?)佢都知我嗰日出咗去玩!」
Avis強辯還有其他朋友在場,企圖為偷食一事掩飾,但記者當日只目擊他和 Vivian上樓過夜。聖誕幾天,娜姐寧願同屋企人過都冇搵男友,看來二人戀情告急。


娜姐 Avis唔夾口供
周三( 26日),娜姐到上水出席聖誕活動。她一邊睇相一邊皺晒眉,更口窒窒說:「我唔知呢件事。」


周三( 26日), Avis如常到佐敦髮型屋開工,對於偷食一事,他否認之餘,更向記者透露一早已向娜姐備案,「我講咗俾佢知!」二人口供唔夾!


周三( 26日), Vivian現身位於觀塘的模特兒公司,她否認上 Avis屋企過夜,「我哋係好朋友嚟咋!」之後就急急返公司。


Vivian避談
記者再聯絡其老闆了解,向展邦說:「我唔會過問旗下藝人嘅私生活,但呢件事真係需要了解吓。」

收入差廿倍




娜姐近年片酬身價暴升,相反一直全職做髮型師,只是兼職模特兒的 Avis,今年才正式加入娛圈拍戲,二人收入可謂十分懸殊,相差近廿倍。

新女 19歲卜卜脆


Avis今次偷食的女主角 Vivian(羅彩玲),只得 19歲,比 27歲的娜姐嫩口。而且 Vivian一樣上圍突出,有 32C,不過論豐滿度,當然娜姐勝一籌。
Vivian2010年簽約由向展邦成立的模特兒公司,同年與其他四個女仔組成「 MI55」,推出寫真力 sell身材無添加。由於 Vivian只有五呎三吋,加上短髮造型,甫出道便有「嫩版朱茵」稱號,亦深得高登網友垂青。




Vivian緋聞唔算多,今年中就被拍得與林建岳細仔林孝信拍拖睇戲,不過最終分手收場。《壹週刊》圖片


Instagram洩蜜
記者於 Vivian的 Instagram中,發現她上月放了一張有 A字吊墜頸鏈的相片,洩露她與 Avis耐人尋味的關係。

偷食有前科


Avis近年經常被拍得背住娜姐偷食,有相有真相,但 Avis依然用盡千方百計,𠱁得返娜姐。




肉搏模媽
有指 Avis與模媽 Mia拍攝《喜愛夜蒲》時假戲真做。今年 4月,本刊拍得 Avis與 Mia開完餐後,雙雙上埋 Mia跑馬地寓所過夜。事後 Avis解釋:「我哋純粹傾劇本啫!」 


《蘋果日報》圖片

偷運傅穎
去年 8月, Avis被拍得偷運傅穎到天后睇獸醫。報道出街後, Avis立即致電娜姐補鑊,更解釋當日只是巧遇打招呼而已。 

撰文:娛樂組 
攝影:攝影組

 

 

 

 

arrow
arrow
    全站熱搜

    tvb4life 發表在 痞客邦 留言(0) 人氣()