美極蝦$98
必食！超正！乾身，炸得香一香，美極汁似有若無地輕輕掛在蝦身上，好味道！

So Comment

良心小店　粥棧小廚

2012年11月09日 ~~ 第902期飲食男女

甲
上回...
上回講到求吓大家講畀我聽生意究竟點做？聽埋粥棧小廚，大家仲唔明生意係點做。以前講咗好多大鱷，食人唔曣骨！或者當我哋白癡，畀垃圾我哋食。不過粥棧小廚係香港少數有良心，對食物又有 heart的店鋪，街坊排隊，一定要訂位！

Then...

38歲的 Gilbert乃係土生土長，香港 breed出來的一個廚師，喺薄扶林中華廚藝學院畢業，非常有理想，就喺遠在筲箕灣東大街找了一間小鋪，自己亦廚亦老闆，仲帶埋太太入廚房做幫廚，學剪蝦、煲粥、蒸飯……倆口子做到我覺得係東大街最好食的一間！
不幸地，在 2011年 12月， Gilbert中了風，右手不能動，說話能力大打折扣。現只能坐在店中的小 counter內，我每次都對佢話一定要快快好番，入返廚房煮餐好嘢我食！

鎮江骨$78
必食！超正！或可以食咕嚕肉或生炒骨，一樣正！碟嘢放一個鐘都仲係咁脆，食完隻碟係冇一滴汁的。酸汁全部又係輕輕掛在肉排上，肉身乾脆。

葱油雞（半隻）$128
訂位時要訂埋。好食！好食過豉油雞。

薑葱田雞魚雲煲$138
點解有呢煲嘢呢？因為有一日，我朋友唔想食田雞，佢食魚雲，但我又好想食田雞，又唔食魚雲，咁就不如整個田雞魚雲煲嘞！其實兩條友最想食乃係薑葱！正！

Now...

而家，我帶了無數朋友去食，冇一個人彈過。
平！靚！正！

荷葉籠仔蒸飯$108
一流！有雞，有排骨，有鱔……料係唔重要，但個蒸飯未入口都已聞到荷葉嘅香味！諗起都流口水，真係香過任何一間出名做荷葉飯的酒樓。

我仲鍾意叫番茄蛋，菜芯，紅燒豆腐煲……
每次埋單都係平到笑！真係街坊價，每人唔過$200，多數係$120至$150。