I’ll be back！（設計對白）
被粉絲封為「天使特」，被成員嗌做「特媽」嘅李特，將會喺京畿道議政府 306補充隊服役。
亞熱帶
SJ李特永遠領袖
11月底，係香港哈韓迷 嘅大日子，韓國最大型音樂頒獎禮《 Mnet Asia Music Awards》（簡稱 MAMA）將移師香港舉行，到時除韓國歌手及藝人外，星、馬及台灣都有歌手出席。今屆有五個獎項，包括：全球男子最佳團體、最佳舞蹈表演獎、年度歌手、年度歌曲及最佳男子組合入圍 嘅 Superjunior及江南大叔 Psy更係大會特定重量級嘉賓。
粉絲可以 喺香港見到 SJ，係天大喜事，可惜 SJ靈魂人物、隊長李特卻於 10月 30號入伍服役，未能隨團 嚟香港。李特入伍， SJ隊長一職懸空，直到他服完兵役回歸為止。做得 SJ永遠領袖，皆因佢食得住其他成員，地位無人可取代。
講真，論唱跳實力，李特 喺隊中只屬中游，但無可否認，佢 嘅領導能力卻非一般人所能及。 SJ十多個成員，由練習生到出道，十幾年 嚟同食同住，感情比親兄弟更深厚。對內，李特有其一套，令到人人心悅誠服；對外，他更得到韓國娛樂界前輩一致激讚︰「 SJ係所有組合中最有禮貌、最和洽 嘅團體。」
由一個不被睇好 嘅三流組合到依家被譽為「韓國天團」、「 K-Pop潮流帶引者」，佢哋出道之時 嗰種辛苦法，依家諗番真係一殼眼淚。 05年，公司以限定組合（話明唔掂就散）出道，果然，成績不慍不火。公司有微言，李特為安撫成員，求公司睇定 啲，捱到 06年，公司搵到唱功超強 嘅新人圭賢入隊，立即形勢逆轉， 06年中， SJ以 13人組合重新出發。一首〈 U〉，人氣火速上升。
入伍當日，成員集體到場送行，各人都忍不住流淚。好感人呀！
李特向 3千多名到場送行粉絲跪謝。
李特（紅圈）身穿軍服跟同一日入伍新兵合照，佢又 leader上身，帶領新兵齊齊打出 SJ招牌手勢。
跳出 06年嘅辛酸，喺《 2007年 MKMF音樂頒獎禮》上，連掃 3個大獎成大贏家。隊長李特致謝時眼泛淚光。
11月 3日， SJ出席 KBS電視台喺智利舉行嘅《 Music Bank》，當地粉絲送上李特人形紙牌。
11年於台灣高雄巨蛋舉行《 2011大韓流、大高雄演唱會》，因班機延誤， SJ抵達高雄小港機場，喺隊長李特帶領下，向接機粉絲鞠躬致歉。
SJ冧粉絲絕招之一，係喺舞台上可以不顧形象，摒棄偶像 chok樣，扮鬼扮馬。
車禍連連
Superjunior紅遍歐、亞洲，各地媒體不時報道佢哋嘅動向。早前，新加坡《光明日報》更作全版報道。「韓流帝王」地位，由此可見。
當以為好景將至，誰不知噩運卻接踵而來。先係成員希澈車禍重傷，養傷達 9個多月。 07年 4月 19號，李特、神童、恩赫及圭賢做完節目返宿舍途中，又遇車禍。今次大劑啲，李特重傷，圭賢命懸一線。同伴受傷，成員心情當然難過，於是暫停所有行程 3個多月。 08年，圭賢傷癒復出，開始再活躍歌壇。誰不知 09年頭又發生中國成員韓庚突然解約離隊、強仁醉酒打交事件，令 SJ隊伍陷入危機。幸好成員堅持及爭氣， 10年一首〈 Sorry Sorry〉，令沉寂已久 嘅人氣起死回生，一發不可收拾。由 10年到 12年，成為紅遍全球 K-Pop組合。
SJ「無王管」
SJ成員感情好出晒名，估唔到連佢哋家長都好和睦。李特、圭賢同晟敏嘅阿媽舊年 12月，就合資喺狎鷗亭開咗間咖啡廳—— Kona Beans。
2012年 10月 30日， 29歲隊長李特入伍服役， Superjunior隊長之位由邊位成員頂替旋即成為韓國娛樂界熱門話題。不過，日前經紀人公司 SM最高層已杜絕一切揣測﹕「 SJ不會有新隊長，李特永遠係 SJ嘅 leader。」成員崔始源亦話︰「特哥對我們很重要，他不在，我們立志會做得更好、更加團結﹗」即係話， SJ現時屬於「無王管」。李特有功績又有人和，我 哋 嘅特首睇 嚟都要搵佢過番兩招啦！ 
留言列表
{{ article.title }}
