於一樓的客廳，以白、銀為主色，摩登前衞。向展邦刻意以巨型鋼茶几襯托不同質感的木材，集合冷暖元素。隔開偏廳的玻璃門透光力強，光線充足，加上微涼海風，全屋可以和大自然融為一體。
星悅居
向展邦 光學生活
光學生活向展邦家居
向展邦二千年以千八萬購入匡湖居三千呎獨立屋，「我細個已經住呢度，之後搬咗出去清水灣，但始終呢度嘅環境先至係我至愛。」
由客廳經過玻璃屋，到達露台位置，望向花園及海景，煩惱盡消。「依家生活壓力咁大，望住個海可以休息落 嚟，對大人同小朋友都有益。」
偏廳是一間玻璃屋，天花以玻璃建成，日間陽光充沛，晚上可仰望看星，成為一家人最常聚集的地方。
7年前，向展邦決定飼養價值 4千元的非洲豹龜及 7千元的非洲循臂龜，皆因夠長命。「貓狗最終都會離開我，龜就可以陪我一世，可能到我個女有小朋友都仲養緊。」
一樓平面圖
冷暖互補
打開白色大門，經過灰色反光地板、白色牆身的長走廊，裝修簡約時尚。踏進一樓客廳，感覺截然不同。廳內主打淺色，以白色牆身、白色大型梳化、巨型銀鋼茶几等冷色系設計，配以不同質感木材，上下呼應，簡約中帶點大自然氣息。「我好鍾意 cyber設計，以白同銀為主色，好似個茶几，專登 喺美國訂番 嚟，計埋運費要 3萬幾蚊。不過屋企始終唔同 office，唔可以太冷冰冰，所以我襯番 啲木材，令整體感覺會 warm啲。」除了配上暖色木材，向展邦更大玩光學元素，將偏廳的趟門改用透光的玻璃摺門，拉開摺門可令客、偏廳融為一體。陽光直接透入室內，令屋內光線更加充足。「有陽光入屋特別舒服，有時打開晒摺門吹吓海風，感覺好 nature。」
向展邦與細佬向展威感情要好，家中放有二人子女的合照。展邦女兒 Bewyne（右）及展威兒子 Darwin。 10年，二人成立 Mspy模特兒公司，捧了標榜天然胸的少女組合「 MI55」。
客廳布置簡約，放有購自美國的大件銀器擺設點綴。
百萬酒窖
客廳左邊設有白色大門，打開原來內有乾坤。「原本想將內花園變為小朋友天地，但係我 daddy太鍾意飲酒，所以索性整個私人酒窖俾佢。」
面積百多呎的酒窖，有過千支珍藏。「其實我滴酒不沾，次次飲都飲得好慢， 啲酒全部都係我 daddy嘅。」
向父對酒甚有研究，除存了多種紅、白美酒，亦收藏不少名貴干邑。
摩登田園
經過偏廳，通往露台和私人花園，園內種有不同品種的植物，綠草如茵。「 啲草我唔係好識打理，所以要定期搵人整理吓。」利用米白鵝卵石圍邊，搭出庭院的感覺，配以天然木材樓梯及餐 枱，貫徹全屋風格。石旁放置懷舊街燈，有畫龍點睛的效果。「花園都係一家人成日聚會 嘅地方，有時燒吓嘢食、睇吓月光。好似我太太依家佗住 5個月龍鳳胎，我同佢成日都 喺度散步，吸吓新鮮空氣。」 
獨立屋位於海邊，除了有海景，還設有私人小碼頭。「除咗方便出海，仲可以喺呢度運大型傢俬，好似茶几、梳化都要喺度搬入去。」
向展邦說：「有個花園之後，愈種愈多花花草草，望多 啲綠色，對對眼都好 啲。」
向展邦家庭觀念重，與太太 Mandy結婚 9年， 07年誕下女兒 Bewyne，二人仍不時玩煮飯仔，非常恩愛。
二樓為開放式廚房，右邊放有實木飯 枱，小朋友用來做功課。「我揀呢張 枱因為佢設計獨特，兩邊櫈唔同款，好美國 style。不過媽咪話張枱唔似正式餐 枱，之後就決定全家人去一樓食飯。」
為了襯出型格感覺，廚房亦有不少銀色家品，當中包括購自美國古董店的櫈（上圖）和大型雪櫃。「雪櫃一定要超巨型，可以放大量飲品，因為好多時都有朋友聚會。」
花園平面圖
留言列表
{{ article.title }}
