句句金
句句金
金剛接受報章訪問時，自爆初戀被女飛，因而飽受情困，自此下定決心：
以後寧我飛天下女，莫令天下女飛我。
金剛嘅志願原來都幾「宏大」㗎噃。奉勸佢一句：上得山多終遇虎。
雖然緋聞一籮籮，不過現時單身嘅金剛，自言行為檢點，
有需要時我唔會叫雞，搵「五姑娘」已經搞掂。
算佢識諗啦！不過下下「五姑娘」都好辛苦啫，不如正正經經搵個女朋友仲好啦。
剛啱回復單身嘅樂基兒早前首度開腔回應離婚一事，佢堅稱冇第三者，
唔係所有分手都因為 scandals或者有人做錯事，有時 relationship只係 doesn’ t work out。
合則來不合則去，好過兩個人互相折磨吖。呢個 moment又要嘆一句：問世間情為何物！ 
劉心悠雖然愛情冇着落，不過就好恨生 BB。至於會否借精產子？佢表示絕不考慮：
我好傳統，借精對我嚟講係好外星人嘅諗法。
借精/借卵其實存在咗好耐，係心悠思想太古代人咋。 
吳綺莉喺電台節目被問到係咪戀愛大過天，佢冇正面回答，反而意有所指講咗句：
我唔會因為一對好恩愛嘅夫妻而拆散人哋家庭。
即是話，唔恩愛嘅就可以拆散啦。咁當年佢宣布懷龍種，媽咪姐就完全明白晒嘞。 
全站熱搜
留言列表
{{ article.title }}
