7/11鬆晒
一知道唔使即時判刑，陳總行出法庭時已面露微笑。撇甩記者行入酒店後（圓圖），更忍唔住喺王喜面前，露出如釋重負嘅笑容。
媽咪姐
官司押後判 陳志雲有番笑容
商台 CEO陳志雲近年官司纏身！佢之前出任無綫電視業務總經理期間，同前助手叢培崑齊齊涉嫌貪污，上年 9月佢哋被區域法院判無罪兼得堂費，但話咁快，律政司隨即提出上訴。所以，周二（ 6日）同周三（ 7日）又喺法庭見到志雲大師嘞！
媽咪姐要幫大家攞第一手消息，梗去聽審。過程真係峰迴路轉呀！原本律政署外聘嘅資深大律師郭棟明喺周二（ 6日）聆訊嗰時，要求上訴庭定罪同判刑，態度強硬。但周三（ 7日）代表陳志雲嘅辯方律師謝華淵引用唔少案例，話上訴庭唔可以定罪，亦唔可以指引下級法院（如區域法院）判罪，因為咁樣會剝奪被告嘅上訴權利。所以，佢重申即使上訴庭唔認同原審法官嘅判決，都唔可以直接定陳志雲同叢培崑嘅罪，只可以發還區域法院重審咁話。
最後控方代表郭大律師都同意咗呢個觀點，而上訴庭法官就話需要時間考慮，押後裁決。嗱，初步咁睇，辯方律師至少令志雲大師唔使即時被判刑，似乎形勢唔錯喎！難怪審訊後，陳志雲同親密戰友王喜步出法庭時，即刻走路有風！陳總去到呢兩日嘅開餐、休息根據地香格里拉酒店嗰陣，仲忍唔住開心偷笑㖭。不過世事多變，大家欲知後事如何，真係要同媽咪姐一齊睇埋下回分解嘞！
6/11緊晒
聆訊第一日，陳志雲明顯緊張，面對記者，只能強顏歡笑。
兩日聆訊期間，無論記者問乜，志雲大師都無答過一句。而王喜就一味同現場傳媒話：「小心啲，慢慢嚟！」二人應該被指示要保持低調。
上年 9月被判無罪後，陳志雲今年 3月離開 TVB轉投商台，進行連串大改革。今年 8月仲請咗前娛樂記者、新愛將梁泰來（中）主持新節目《一圈圈》，又搵嚟大班圈中老友撐場，滿肚大計！
年年都有……王喜！
由前年開庭，到今年審完再審，王喜一直伴隨陳總左右，開路開到熟，堪稱「大護法」！今年 3月陳志雲空降商台，王喜就喺上個月開咪做主持。終於有回報囉！
今年開路老手
上年鐵血保鑣
前年擔遮經典
聽審原來無得 FUN！
留言列表
{{ article.title }}
