操機練氣
王馨平每日都花數小時在健身室，私人教練話操機除了鍛煉肌肉，還有助加強肺部功能，唱歌都會好氣 啲。
娛聞樂
激減 20磅開騷 王馨平邀嘉穎情侶唱
自 01年嫁作人婦後，王馨平絕少現身娛圈，直至年初電影《志明與春嬌》上映，余文樂反串扮女人翻拍其經典 MV〈別問我是誰〉，令王馨平人氣 hit爆。而戲中楊千嬅同佢講 咗句：「當年你同鄭嘉穎分手，我喊 咗幾日幾夜呀！」令當年王鄭兩人的 puppy love再受注目。
咁多年冇開騷，王馨平終於技癢，決定在 12月中開個唱，並獲老公批准搵鄭嘉穎做嘉賓，看來兩人的「世紀情侶合唱」有望了！王馨平更花了半年時間消減 20磅肥肉，除了靠做運動，亦需要節制飲食，但意外地竟達到瘦身不瘦胸的神奇效果。
話晒係當年的寶麗金小花，唔操 fit啲點得呀！
金童玉女
王馨平與鄭嘉穎外形相襯，當年的合唱歌〈緣份〉，成為受歡迎 K歌。可惜拍了 6年拖，最後被王父王羽棒打鴛鴦。
踩單車消脂
為了達到瘦身效果，王馨平狂做帶氧運動，經常霸住跑步機與單車機，「平時我會邊聽音樂邊做運動，時間好易過。」操到鎖骨都現，總算有成績。
今年 4月肉地少奶
身高 5呎 8吋的王馨平，養尊處優做少奶奶，今年 4月出席公開活動時，身形確係豐滿。
王馨平與金融才俊李家輝結婚後便淡出娛樂圈，經過 11年的闊太悠閒生活，索爆玉女已進化成心廣體胖的靚太。為了下月 16日的個唱，王馨平半年前積極備戰，現已減去 20磅贅肉，誓要找回未嫁時的 S曲線。她表示要「加緊操練」，每日跑步做 gym，除練氣外，亦要控制飲食。雖然操到咁 fit，但她強調不會着太性感的歌衫，「老友周慧敏都俾 咗好多意見我，我會換幾套衫，但唔會賣性感！」
舊愛掀高潮
「王馨平」因電影而再度被炒熱，當年與鄭嘉穎的戀情亦被翻舊賬，對於個唱會否請對方做嘉賓？她答得大方：「我同老公商量過，佢唔介意我搵鄭生，我都會問吓佢有冇期，希望可以再合唱。」
前度當年曾被父親王羽狠批冇出息，但今日已成為內地及香港當紅小生，早前鄭嘉穎於昆山拍內地劇《葉問》時受傷，王馨平亦送上問候：「我冇直接打俾佢，不過聽佢講話男人多撻疤仲有型，識講笑即係冇事啦，不過都希望佢快啲好番！」
身在昆山的鄭嘉穎透過經理人回應：「我到時仲拍緊劇，未知 schedule（時間表），都係交俾公司安排啦！」
除了有望與舊愛再度同台，王馨平亦積極為個唱找來有睇頭的嘉賓。由於余文樂於電影中反串扮她好評如潮，當中的「蝴蝶手」好笑到令人噴飯，故王馨平欲邀對方齊齊上台唱 live。至於昔日的「寶麗金四小花」湯寶如、黎瑞恩及劉小慧，亦大有可能重現舞台。
富貴老公開綠燈
王馨平 01年與從事金融業的李家輝結婚，婚後不時陪丈夫出席慈善活動，打扮得靚靚做其闊太。
余文樂（下圖）在電影中抄足王馨平的〈別問我是誰〉，如果能現場演繹，一定令觀眾笑到碌地。
個唱卡士
十幾年後再開騷，王馨平力邀周慧敏及寶麗金小花黎瑞恩、湯寶如、劉小慧助陣，大唱金曲。
細場小試牛刀
瘦身唔瘦胸餐單
王馨平為 咗以最佳狀態會歌迷，除 咗日日做運動外，仲搵營養師幫佢度身訂做減肥餐單。佢話食 咗唔夠一個星期已經見效，不過最神奇 嘅係，身上 嘅肥肉唔見晒，但豐滿上圍未有影響， 啱晒想瘦身唔瘦胸 嘅女士們。
早餐
一片有機全穀方包(可塗少許花生醬)，一杯落代糖的咖啡。
午餐
醋汁沙律，可配以三文魚/火腿/魚，以及一定要有一碗蔬菜湯。
下午茶
生果一個、適量原味果仁/提子/乾果、一杯乳酪。
晚餐
半碗飯配以青菜及魚，有時可轉吃牛肉或豬肉，肉類分量大約半碗左右。
美少女重現
留言列表
{{ article.title }}
