被迫穿「呆佬拜壽」裝的 Eric,即席扮演「鹹濕老爺娶妹仔」,到老婆鬼咁開心。

娛聞樂

補擺喜酒 霆鋒 Eason做兄弟 葉佩雯 Eric試裙褂硬晒軚

2012年11月09日 ~~ 第902期 忽然1周

郭偉亮( Eric Kwok)與葉佩雯( Grace)拍拖 11年,結婚 1年。本月 23日,兩人將會設宴 35席補擺喜酒。他們相識滿天下,兄弟姊妹團粒粒巨星,屆時已離婚的謝霆鋒及張栢芝更會同場贈興, Eason又會幫新人頂酒。
日前,本刊獨家直擊郭氏伉儷試裙褂、禮服過程,穿上一 set中式傳統「呆佬拜壽」裝的 Eric,十足呆佬硬晒軚。為老婆,一時擺 chok樣,一時又取笑自己似聽主人話的狗,一時又扮「鹹濕老爺娶妹仔」,冧到 Grace鬼咁開心。

互動片段

Eric Kwok葉佩雯搞事夫妻





早前兩人秘密赴日本輕井澤拍婚照,靚靚婚紗是由好友 ti wedding贊助。


唔慣影相及當眾換衫的 Eric,被工作人員搞到硬晒軚,更不時捽眼想瞓覺。


戴了「帝女花」鳳冠的 Grace,經常被百厭老公搞冠前珠簾, fing到「發發聲」,激死老婆。






Eric只帶肉身前去試蘇志威贊助的禮服, Grace則替他襯好煲呔。

去年 11月 23日,是 Eric及好友 Jerald的組合「 Swing」告別舞台的演唱會最後一場。當晚 Eric當着全場萬人面前,向 Grace下跪求婚,更一早安排了律師在場即時簽紙註冊結婚,製造驚喜浪漫。
事隔一年,兩人定於本月 23日在北角海逸君綽酒店設宴 35席擺酒完婚。 Eric說:「知道今個月 23號係好日,咁啱同上年演唱會結婚嗰日係同一日,真係有紀念價值。」對於該酒店曾發生火警, Grace表示冇有怕:「火燒旺地,咪仲旺我哋!李燦森擺酒都同我哋同一個場,咁多人揀,應該唔使驚。」


去年 11月 23日, Eric趁演唱會尾場,即席向女友求婚兼結婚, Grace猶有餘悸:「真係冇諗過咁爆!」《蘋果日報》圖片


以往霆鋒、栢芝未離婚時,經常與 Eric及 Grace四人行,如今情已逝,同時出現婚宴便成焦點。《蘋果日報》圖片

緋聞情侶成焦點


婚期將至,忙着替其他歌手做錄音工作的 Eric,日前才有空與老婆試裙褂、禮服。通街老友的 Eric得到蘇志威贊助禮服,當日第一站便到尖沙嘴金巴利街、蘇老闆與友人合資的婚紗店「 LUXE」試衫。「多謝蘇 Boss啦,令我又煩少一樣,我好怕揀衫、試衫。」 Eric笑說。
其實婚宴的煩惱豈止咁少,據知跟二人老友的謝霆鋒及張栢芝屆時會鮮有地同場,霆鋒擔任戥穿石,栢芝則只會來飲喜酒。 Eric說:「霆鋒嗰日有工作在身,佢話盡早趕嚟!」而另一 pair矚目的緋聞情侶則非容祖兒、「師兄」劉浩龍莫屬。當晚男方亦是戥穿石之一,據知祖兒為避免尷尬,只會是座上客,不過到時依然難免成為焦點。對於祖兒會否與師兄同枱,一對新人堅持保密。

Eason苦練酒量


提到各兄弟有甚麼板斧, Eric說:「咪頂酒囉!我同 Grace都唔飲得,但有梁漢文、師兄同陳子聰喺度,至少可以頂到 30圍。(咁 Eason會否唱歌娛賓?)我哋支咪會設置指模開關,佢冇咁容易可以唱,哈哈哈……不過 Eason同我講,話最近練過啲酒量,唔似以前飲一杯就瞓,佢話可以幫手頂喎。」
兩人試完禮服,再到附近試中式裙褂,面對一系列金光閃閃的裙褂, Grace表現興奮,更指明要戴浮誇鳳冠頭飾,十足古代的「帝女花」,「我不嬲都好鍾意呢啲懷舊嘢,好似細細個睇電視、睇電影嘅戲服撻晒上身咁。 Eric唔鍾意㗎,係我逼佢,哈哈哈!」
說時遲那時快, Eric已被迫穿上一整套「呆佬拜壽」裝,他搞笑謂:「我覺得好似啲狗俾主人逼着衫咁!」不過到 Eric為老婆頭上的「帝女花」鳳冠揭開珠簾時,就鬼馬地大力一 fing,幾乎搞甩了老婆的假眼睫毛。




Grace全身窩釘,表示會用來對付老公, Eric見狀即扮吸血殭屍咬她。拍拖 11年仍不時打情罵俏,難得的一對。

超強兄弟班


Eric相識滿天下,當年霆鋒、栢芝在菲律賓小島秘婚,也是由他任證婚人,可見他分量十足。今次 Eric與 Grace擺酒完婚,一班星級戥穿石包括陳奕迅、謝霆鋒、梁漢文、劉浩龍、陳子聰等 9位老友;而老婆的十人姊妹團,大部分則是這班兄弟的另一半,陣容鼎盛。


陳奕迅


謝霆鋒


陳子聰


劉浩龍


梁漢文


何超儀


徐濠縈


梁漢文太太 Karen

百萬完婚




不愛鋪張的郭氏伉儷,自言擺酒只為圓家人夢想,最重要簡單而隆重。人面廣的二人雖然各方面都獲不少好友贊助,但埋單計數,閒閒哋都要使近百萬。

海逸君綽酒店酒席 35圍 約$50萬
輕井澤拍婚照(包工作人員機票住宿) $15萬
新娘婚紗及晚裝 約$25萬
Isabelle禮餅 $2.5萬
共約$92.5萬 

採訪、撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()