FACEweekly
Same Old Brand New Kay 依然故我 謝安琪
謝安琪何去何從，是 2012年香港樂壇其中一個大謎團，月頭，這隻冇腳雀仔終於正式宣布加盟星煥。意想不到的是，加盟造勢大會開場節目先是默哀儀式，一向關心社會議題、落區探訪基層市民仲密過區議員的 Kay解釋：「默哀係我嘅主意，加盟新公司雖值得慶賀，但亦要關心本港時事，哀悼撞船意外死傷者。」面對新公司、新人事，作風依舊勇敢！
Kay話簽星煥係因為經理人 Sammy同 Herman（星煥老闆，圖右）係多年老友，阿 Kay更搞笑話：「我好欣賞佢多年來對自己髮型嘅堅持，哈哈！」
1.剛入行時覺得你係一個專注音樂嘅歌手，近年見你參加多咗非音樂活動，早前仲去上海行 TGC騷做 model，點解忽然轉方向？
今次特別啲，因為 TGC今年嘅音樂元素多咗，佢哋請咗 Big Bang（左上）同埋倉木麻衣（右）參加演出。之前都同倉木嘅班底接觸過，大家傾緊會唔會有機會 crossover，十分期待！
2.你十月尾會去洛杉磯參演美國音樂劇《 Loving the Silent Tears》，將演什麼角色？
3.早前你曾跟視帝黎耀祥為《星光熠熠耀保良》唱粵劇，你係幾時愛上粵劇？
4.加盟新公司首作是什麼？
將同阿公蘇永康合唱新歌〈獨行俠女〉。首歌講現代戀愛觀，係林夕 10年前〈相愛很難〉嘅延續，佢當年覺得一對情侶要義無反顧相愛係難事，冇諗到要在 𠵱家呢個世代搵一段真感情更難，所以諗過將首歌改名叫〈相愛更難〉。我唔係想標籤盛女、宅男，不過目前社會問題多，如樓市高企，令到大家擇偶時多咗計算，例如想搵個人陪自己供樓，呢首歌就係想講出社會現況對愛情的影響。
中秋剛過， Kay雖然冇下廚，不過就去咗學整酥皮奶皇月餅畀屋企人試！同阿公老友鬼鬼，上年新年仲親手整年糕親身送禮添！
5.當年一首〈囍帖街〉引起大家對保育的回響， 𠵱家香港社會千瘡百孔，下年的新碟會走咩路線？
你知唔知韓國 PSY嘅〈江南 Style〉其實唔係一首搞笑歌？ PSY想講韓國江南一帶地區近年嘅發展及影響，所以我覺得有關社會議題嘅歌係好有市場，好想嚟緊嘅歌可以帶出反思。 
全站熱搜
留言列表
{{ article.title }}
