杜汶澤 阿澤撐劉蔚萱醒目女 
《今日我至威》
阿澤噚日一攬八，好似拍緊《眼睛想旅行》ＭＶ咁，威到盡呀！
蔡卓妍（阿Sa）與杜汶澤（阿澤）昨日為新戲《超級經理人》在赤柱拍外景，阿Sa與阿澤在戲中飾演經理人，阿澤還跟戲中八位新女合照，八女當中有當日被無綫導演張永豪暴力對待的神獸天使劉蔚萱，阿澤力撐劉蔚萱說：「新人嚟講佢好醒目，同佢都有唔少對手戲，一教就識，有咁嘅新人算幾好。」
有指張永豪只收警告信，但將片段放上網的工作人員卻被勒令停職兩星期有欠公道，阿澤只說：「只可以講件事告一段落，但新人遇到不快要嗌唔好。」
劉蔚萱表示好多謝阿澤的指點，又重申上次拍劇只是正常教戲過程：「件事過咗去，我信任公司處理方法。」
採訪：胡比
攝影：陳順禎
阿澤捧「田雞女」寸爆惡導演
「田雞女」劉蔚萱早前拍劇遭導演「虐待」，獲素未謀面的杜汶澤力撐，原來二人近日結片緣，阿澤大讚對方「話頭醒尾」之餘，並寸該導演是「白癡」。他又寄語劉蔚萱倘若再遇不快，應該「出聲叫唔好」。
杜汶澤與蔡卓妍（阿Sa）於英皇新片《超級經理人》內鬥戲，戲內扮演經理人的阿澤，昨日左擁右抱「旗下」性感八美，與阿Sa、高雲翔等現身開鏡禮，阿澤更與「八美」及阿Sa影大合照。阿澤享盡艷福，身為老闆的楊受成見狀亦即笑謂：「咁好？應該唔好收片酬啦！」記者打趣要轉告田蕊妮，阿澤抵死答：「呢個時候佢何嘗唔係喺TVB攬緊仔呢？」阿澤在活動上大讚八美之一的「田雞女」劉蔚萱有演戲天分：「喺片場佢好多嘢一教就曉、好有天分，搵到咁嘅新人就執到啦。」其實阿澤早在開鏡前，已在網絡上載二人合照，在相中豎起拇指的他更留言：「導演對她的演出作出調教，她都吸收得好快，足以證明那個TVB導演是個白癡。」
對於有傳無綫只發警告信給有關事件的導演，卻將上載片段的工作人員停職，阿澤聞言答：「如果無綫咁重視佢哋嘅知識產權，我都唔評論嘞，不過都要提醒啲新人，有不安應該要出聲囉。」記者要求阿澤與劉蔚萱合照，工作人員擔心二人太「搶鏡」影響其他人，故匆匆拉走阿澤。
楊受成與阿Sa齊齊等吃燒豬。
阿澤跟高雲翔惺惺相惜。
驚青否認封嘴
劉蔚萱受訪時全程戰戰兢兢，繼續堅稱當天是「正常教戲」，卻否認遭勒令封嘴，表示不想令身邊人太擔心而已。談到幫她伸張正義的工作人員懷疑遭停職，她謂：「我真係唔知邊個嚟囉，都feel bad。」另外，記者聯絡無綫外事部副總監曾醒明，他指上載片段的同事因違反紀律而受到紀律安排，但詳情不便透露，至於該導演則交由監製監管，並呼籲他尋求專業援助。
文：影視組
阿澤插無綫導演白癡
杜汶澤與早前拍戲疑遭無綫導演張永豪（Gary）暴力對待的「神獸女」劉蔚萱合作，阿澤大讚對方「話頭醒尾」，更上載合照到互聯網繼續喪插Gary﹗
杜汶澤與蔡卓妍（阿Sa）在英皇新片《超級經理人》內齊齊扮經理人，昨日開鏡禮上阿澤艷福無邊，與「旗下」性感八美合照時左擁右抱，老闆楊受成見狀亦笑說：「咁好？應該唔好收片酬啦！」有記者「恐嚇」要轉告田蕊妮，阿澤說：「呢個時候佢何嘗唔係喺TVB攬緊仔呢？」
八美包括「神獸女」劉蔚萱（Jenny），阿澤在開鏡前已上載二人合照到互聯網：「導演對她的演出作出調教，她都吸收得好快，足以證明那個TVB導演Gary是個白癡。」阿澤接受訪問否認「欽點」Jenny演出，但對她讚口不絕：「導演同監製問我好唔好用佢，我唔反對。喺片場佢一教就曉，搵到咁嘅新人就執到啦！（有指無綫發警告信畀Gary，但將Upload段片嗰個幕後處以停職！）如果無綫咁重視佢哋嘅知識產權，我都唔評論嘞！但要提醒啲新人有不安應該要出聲。」
阿Sa恨與男友拍戲
Jenny否認遭勒令封嘴：「媒體嘅威力好驚人，上次我都未睇報紙，啲加拿大同學已經不斷短訊問候，話喺互聯網度睇到（新聞）喎！」談到幫她伸張正義的工作人員疑遭停職，她說：「我唔知邊個囉！Feel Bad。」而無綫外事部副總監曾醒明則說：「上載片段到互聯網嘅同事違反咗紀律，所以公司作出紀律嘅安排，詳情因私隱問題不便透露。」
另外，霍汶希（Mani）大爆原本阿Sa「旗下」當紅明星一角，鎖定由陳偉霆演出，最終因合拍片改由內地演員高雲翔演出。問到阿Sa會否介意與男友合作，她說：「我係演員嚟嘅，梗係唔介意啦！今次拍戲諗番以前啱啱出道啲嘢！當時Mani好似放咗部錄影機喺我身邊咁，對我嘅行蹤瞭如指掌。」
影視組
阿Sa表示不介意與男友陳偉霆合作拍片。
扮演經理人的杜汶澤左擁右抱，與「旗下」性感八美包括劉蔚萱（左一）影大合照。
霍汶希和楊受成出席開鏡禮時十分開心。
留言列表
{{ article.title }}
