怕PA鬧趕餐死 岑麗香冇啖好食

近日拍攝《衝上雲霄2》是非多多,日前張智霖發火微博鬧該劇PA(助導)安排混亂,對演員唔尊重。佢係阿哥級小生,梗係夠膽不平則鳴,但有份拍《衝上雲霄2》岑麗香,事業剛起步怕惹麻煩,絕對要打醒十二分精神。

日前香香出席活動後,要趕入機場拍通宵戲,由於當晚活動遲半個鐘先完,期間PA猛咁打催佢,搞到香香勁驚遲到。離開時,香香好緊張咁上前問好姨搭機鐵快定的士快?期間佢收到PA奪命追魂,即刻同好姨講:「同事叫我搭的士,話有得calm番。」好姨一向樂於助人,見佢咁急就提議送佢一程。但佢驚青話:「唔得,我要番張的士單俾公司,唔係會嘈我。」驚到咁,好姨聽完即刻O嘴。

香香打的去到機場後,雖然佢未食飯,但因為知道就快到拍自己戲分,佢急急買食充饑,邊食邊化妝,好姨都好欣賞佢咁認真。極速變身空姐後,仍然未到佢埋位拍攝,不過佢都唔敢行開,買碗粉企到食,真係食都唔長肉啦!

雖然劇組唔夠憐香惜玉,但其實香香好多人錫,近日傳被「巨聲幫」陳國峰力追,不過女方例牌否認,仲話:「我同佢一齊搭的士咋,唔係拍拖!我已經三年冇拍拖,又冇人追!如果拍拖,希望識到一個心男朋友,靚唔靚仔都無所謂!」明顯留幻想空間俾宅男。

image

arrow
arrow
    全站熱搜

    tvb4life 發表在 痞客邦 留言(0) 人氣()