插圖： Wendy

揞名爆

「厚唇」出喊招鬥「鄉音」

2012年10月12日 ~~ 第898期 忽然１周

公仔箱入面嘅競爭一向好大，尤其係一班花旦，明爭暗鬥層出不窮。好似已經上咗位嘅「厚唇」咁吖，有幕後二五就爆料，話佢近期上過監製房，自編自導自演一幕「一哭二鬧三投訴」！一面喊喊喊，一面問監製點解自己喺《天空飛呀飛》嘅戲份無新加入嘅「鄉音」咁重要？係咪自己之前做得唔夠好？嘩，煩到監製頭都大埋！翻查爆料簿，其實「厚唇」十年前都用過呢招㗎嘞，一見啲名監製開劇無預佢，就剷上人哋間房爆喊，估唔到今時今日佢上咗位都用番呢條舊橋啫。

不過，你識出招時，「鄉音」都唔係省油的燈！有記者喺一次探班之後，就收到佢助手嘅電話，劈頭第一句就話可唔可以報道「鄉音」多啲，張相出大啲！ Well，更爆嘅係，記者無幾耐又收到「厚唇」助手嘅電話喎，講啲乜？咪又係嗰啲！
最後記者點應付呢？好易啫，查實讀者至鍾意睇好戲又有型嘅「森森」，梗係報道佢最多。「厚唇」同「鄉音」與其咁樣嘥時間惡鬥，唔該做好啲戲先啦！ 

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄