出外埠
志玲老來 cute
盂蘭節過咗，萬聖節未到，但呢期寶島驚嚇事特多。先係 37歲嘅志玲姐姐出席洗頭水活動時，逆轉 cute齡，瞪眼伸脷，出力證明臉部未被完全塑化。型男張震呢，亦出盡力大笑，不負眾望，露出成棚靚牙，仲有……一個大牙窿！媽咪姐心血少，真係嚇一嚇。
歲月確實不饒人，入行 12年嘅志玲姐姐繼續扮女神，為搵食， OK！但忽然托下巴扮驚訝，仲要吐埋舌？咪盞突顯臉部肌肉鬆弛， NO喇！
大髀夾大繩
台灣《壹週刊》圖片
廣告商安排林志玲露腿夾粗繩出場。 Well，會唔會騎呢咗啲呢？
張震露窿窿
拿到片酬，可以去整牙咯！（設計對白）
唔知係咪因為籌備 7年嘅《聶隱娘》終於開得成，又可以同性感女神舒淇合作，令張震興奮忘形。喺記者會上，一笑現窿！
尋親啟事
時至今日，仍然有唔少喺戰亂中同屋企人失散嘅公公婆婆公開尋親。而喺娛樂圈中，估你唔到啲跨越國界、物種，似到不能嘅真人 case，睇嚟真係要 check吓 DNA！
曹格 Monchhichi
猿人 Crossover
唔講唔覺，一睇就覺，曹格同日本公仔 Monchhichi嘅相似度，竟然比圈中任何一位男星仲要高！難得當事人大方承認，仲貼埋對比圖上微博，人同動物界嘅友誼又拉近一大步嘞。
相似度 80%
湯唯張根碩
中韓融合
湯唯（右）同人氣韓星張根碩（左）嘅眼、鼻、笑容似到十足十。依某部分韓國人「堅信」孔子都係韓裔嚟睇，湯小姐喺不久嘅將來，極可能會「被證實」為華籍韓裔女星喎！
相似度 95%
全站熱搜
留言列表
{{ article.title }}
