最新版

博出位

如狼似虎

2012年10月12日 ~~ 第898期 忽然1周

女人嘅爆炸力從來唔可以睇小,無論單身定係感情有着落,抑或連仔都生埋,只要佢哋見到心儀嘅雄性動物,何止流口水,直頭飛擒大咬。

小儀擒啜鎮宇


鎮宇同小儀早前經已喺服裝間 chok擺「亂世佳人」甫士,但畫面上都係今次第二波搞笑啲。

今年 42歲嘅阮小儀,盛女代表一名。雖然佢要電台同電視台兩邊走,但絕對唔會放過任何捕男機會。近日小儀為《衝上雲霄 2》客串,換上女僕裝嘅佢,喺服裝間就地熊抱兼狼啜鎮宇,鎮宇知道小儀擺明玩嘢,於是交足戲扮死。 

小儀獵男成功,仲誇下海口話呢張相有本事霸娛樂版頭條。由於鎮宇本身冇微博,但佢就為《衝》劇角色唐亦琛開博,於是小儀自然將呢張絕世擒啜相@番佢啦!




網友嗌救命

江美儀咀咀 Chi Lam


《衝》劇男主角個個以型仔機師造型上陣,搞到同劇女演員暈得一陣陣,江美儀都唔例外。早前張智霖( Chi Lam)喺微博鬧爆《衝》劇 PA做事馬虎,江美儀為咗番 Chi Lam開心,嗱嗱聲將「咀咀紙板公仔」嘅相放微博。




除咗 Chi Lam,飾演 Head姐江美儀亦不停同鎮宇影相,集齊機師系列,唔知佢男友吳君祥(吳君如細佬)有冇嬲呢!




網友讚合襯



吳君如大戰三男


要數女人如狼似虎,除咗小儀同江美儀外,當然唔少得擒青代表吳君如啦!早前君如返內地工作,順便約埋黃曉明、鄧超等內地小生開餐。君如吹雞,點只食飯咁簡單,飯後佢就叫三位小生抱起佢影相,羨慕死人。


君如由鄧超(左起)、佟大為同黃曉明三人合力抱起,真係戥班小生辛苦,慘得過君如仲寫上一句「娛樂圈很亂」,吹佢唔脹。




網友唔抵得

arrow
arrow
    全站熱搜

    tvb4life 發表在 痞客邦 留言(0) 人氣()