Honey,無你又邊有呢個效果呢!﹙設計對白﹚
Baby,你好受歡迎呀!﹙設計對白﹚

忽然去片

超雲山聰嚟喇!

2012年10月12日 ~~ 第898期 忽然1周

媽咪姐成日喺報紙雜誌見到何家三房何超雲同男友陳山聰襯到絕出場,據聞男方仲秒秒鐘公公上身㖭。
嗱,齋睇相,有時攞唔到感覺嘅。今期《忽周》有埋片睇,見到陳山聰陪住超雲去銅鑼灣樓上舖修甲,之後手拖手遊街任影!
估唔到何千金把聲又幾好聽喎,阿山聰仲好 man咁拖住超雲向前行,但又不忘回頭幫女友補答問題。明晒!話陳生似公公,梗係讚佢細心啦呵。

銅鑼灣出巡








《忽周》睇真啲正片唔好 miss!

遊山玩水喇喂!


秋高氣爽,又係郊遊好時候。媽咪姐今期睇片見到一班《忽周》記者去環島遊,好 happy啊!尤其係橋咀洲附近嘅連島沙洲,可以踏住海水登島,勁有「輕功水上飄」嘅感覺囉。不過,媽咪姐想講,嗰日係潮漲,其實有啲危險,大家去玩時,記緊安全至上呢。





DaDa輸咗!


有樣有身材嘅 DaDa(陳靜),自從拍完《低俗喜劇》獲提名金馬獎最佳女配角,對自己嘅演技應該信心大增,但講到扮鬼嚇人,佢真係差啲囉!睇片見佢幫網站扮艷鬼嚇宅男,點知俾隻紅遮女鬼嚇番轉頭。不過你咪話,當 DaDa做訪問時,特約演員繼續好入戲咁擔住把紅遮「飄過」,都真係幾驚!





arrow
arrow
    全站熱搜

    tvb4life 發表在 痞客邦 留言(0) 人氣()