娛聞樂
《爆足一周》勁抄料 查小欣認低威：我哋由低做起
查小欣被志雲踢離商台後，高調轉戰電視，更將昔日《邊個夠我茶篤撐》的清談模式帶入無 綫，變為《爆足一周》。不過，節目出師不利，周日（ 7日）首播的收視唔理想，得 17點（約 110萬觀眾），截至周一（ 8日）更被網友插爆冇料兼收到 14宗投訴。反觀同期推出黎芷珊的《最佳男主角》則贏開巷，首兩集得兩位影帝劉德華及劉青雲撐場，首集收視平均 26點（約 170萬觀眾）。
查小欣節目收視欠佳，原因是冇料爆，只是綜合報紙、雜誌的報道。加上查又過分自我，未能與台前主持拍檔及幕後工作人員緊密合作，對節目內容及形式一意孤行，又唔理鏡頭，搞到後期製作要花上好幾倍時間為她剪接補鑊。
查小欣在娛樂圈行走數十年，近日夥拍莊思敏、翟浩然、林子博等七人主持《爆足一周》，論資歷及經驗，查小欣絕對是節目的靈魂人物。可惜，首集節目只是模仿報館編輯與記者開會，而查小欣的角色亦只是不停問其他主持有甚麼「功課」交（即有甚麼料爆），但節目絕大部分內容只是抄料，，令觀眾睇到火滾。
去年多表情
年約 54歲的查小欣被傳因陳志雲欲捧吳綺莉，而被飛出商台。相比去年，查小欣面部近期又有「硬膠化」的跡象，更是雪上加霜。
黎芷珊做主持的新節目《最佳男主角》，首集嘉賓已有劉德華，此外首周節目還有劉青雲、吳鎮宇及黃秋生做嘉賓。可惜，嘉賓有睇頭，但訪問內容一樣唔夠尖銳。
唔睇助導手勢
冇料爆之餘，電台出身的查小欣明顯唔識望鏡頭。工作人員爆此乃查高高在上不合作之過︰「工作人員有教小欣姐睇手勢，睇住同一鏡頭剩低幾多秒，仲有叫佢睇機位，不過小欣姐一句話『唔識』，完全冇理。佢連時間都冇理，總之一味講晒 啲內容先識停，搞到錄成三個鐘，後期製作就用 咗接近三十個鐘。製作呢個節目比其他節目用多 咗幾倍時間，一班幕後手足都好慘。」
一宗罪：開會悶
節目模仿傳媒開會，但大部分觀眾不明白，遂以為 TVB再一次玩慳皮。加上大部分時間都冇片睇，變 咗齋 talking，形式沉悶。
二宗罪：唔望鏡
每逢轉鏡頭，查小欣都有好幾秒望唔切鏡頭，令觀眾感覺古怪，有「不專業」的感覺。
三宗罪：讀舊料
節目內容被指綜合報紙雜誌的報道，無新料爆，主持之一的阿感更將黎明及樂基兒的離婚聲明照稿讀出來。
自斷料頭
冇料、冇技巧之餘，連揀內容都出現問題。早前林小明及趙雪英的離婚案揭發李彩華涉嫌被要求接客，《爆足一周》上周三（ 3日）開會時，有人提議邀請趙雪英亮相，列席者均覺得趙雪英亮相可增添話題，查小欣本來都同意，更說要邀請埋林小明。不過翌日（上周四）查小欣則表示由於離婚案仍在審判中，法律部覺得不適合，於是停止邀請林趙受訪。「節目係錄影 嘅，有問題錄 咗都可以唔出街，依家變 咗錄都唔錄就自我審查。不過小欣姐係話事人，其他人至冇聲出。」知情者說。
對於收視差強人意，查小欣強撐說：「 17點收視，首集 嚟講都 OK啦，我 哋由低做起。（網民狂插！）節目形式比較新，係余詠珊度出 嚟 嘅，觀眾要時間接受。」
被問到唔望助導倒數手勢及 cut料一事，她說︰「冇人俾手勢，我 哋要自然感覺，我特登唔望鏡。題材大部分係我話事，都有幕後同事協助。（點解最終唔搵林小明及趙雪英出席節目？）電視與平面傳媒唔同，如果林小明同趙雪英打官司，節目會成為證據，問過法律部意見至決定唔做訪問。」傳媒出身的查小欣，今次老貓燒鬚。
主持之一的莊思敏愛蒲，與樂基兒是朋友，故在節目中大爆樂基兒因要遷就黎明，婚後減少與朋友夜蒲。翟浩然是資深傳媒人，與黎明經理人陳善之相熟，他亦爆曾親自問黎明婚外情一事，算有「功課」交。
網友鬧爆
對《爆足一周》，網友一致劣評，似乎節目名叫《抄足一周》更貼切。
彈冇料
彈儀容
彈形式
彈抄橋
彈報道
吳君如贏一條街
吳君如在節目中驚爆「集郵女星」，為節目帶來話題。
以主持人作號召力的節目過往多不勝數，如收費台吳綺莉的《女人話事兒》、去年葛民輝的《吹水同學會》及 09年吳君如的《星星同學會》。當中《星》的播映時間與《爆足一周》同樣在周日晚十時播映，兩者均以主持作號召力及本身在圈中的人脈作骨幹。《星》首集的收視已達 22點，最後一集更高達 28點的佳績，跑贏同類節目。 
留言列表
{{ article.title }}
