30歲 Rain

亞熱帶

Rain從軍記

2012年10月05日 ~~ 第897期 忽然1周

亞洲天王 Rain雖然要當兵,不過影響力在暫別幕前之際至反映出來,其所屬公司今年首季業績大幅倒退,出現 990萬港元赤字,正正凸顯了 Rain的市場價值。 Rain當兵前最後一部電影《壯志衝天》本周抵港,套戲都係講軍隊,不過由於劇情明抄《壯志凌雲》( Top Gun),新意欠奉,喺韓國票房麻麻,反而 Rain的真實從軍經歷,更加離奇。


24歲湯告魯斯
86年湯告魯斯憑《壯志凌雲》上位, Rain在《壯志衝天》的造型和湯佬有八成似,古仔亦明抄。

上年十月當兵的 Rain,一身肌肉原來睇得又打得。他在新兵訓練時不但體能表現出色,在射擊訓練更 20槍中 19槍,即時獲得二等兵勳章。而他亦旋即在入伍不足兩個月的情況下,被提升為新兵助教,認真巴閉。 

軍隊月薪 600元


做了新兵助教兩個月, Rain又接替剛退役的李準基,成為演藝兵,參加軍方電台及電視台的節目,娛樂其他兵哥。不過軍隊內人人平等, Rain就算係天王,亦被踢爆現時在軍隊的月薪只有港幣 600元,真係一個月賺埋都唔夠佢食一餐飯。不過佢就勁賣口乖:「喺軍隊都冇地方使錢,搵幾多都冇所謂啦!」
原定下年年中退役的 Rain,近日傳出因腰痛入院,雖然 Rain可因此要求提早退役,不過他表示:「腰傷應該唔影響我服兵役,我有信心撐到期滿為止。」相比周渝民、阮經天、明道等型男用盡方法逃避兵役, Rain確係抵讚,因為他當兵最大抱怨,都只不過是冇得食麵同朱古力做消夜!


唔少 fans覺得, Rain入伍之後,副偈反而冇之前 keep得咁好,令人更期待《壯志衝天》。


韓國空軍在拍攝實際空戰時提供操作指示,而曾參與拍攝《潛行凶間》及《蝙蝠俠》的特技團隊亦有幫手,令空中戰鬥場景顯得更加真實。


左起: Rain、柳俊相

為咗攞威,代表老鷹部隊的 Rain與獵鷹隊長柳俊相爭餐死,柳俊相有一場戲會同 Rain赤膊拳來拳往,兩大猛男盡情騷肌。 

拍戲辛苦過當兵


其實拍《壯志衝天》時, Rain參加軍事訓練時已顯示過人天賦。為了登上軍機拍攝,空戰演員埋位之前必須通過「 G-Force」測試,考驗他們在高速移動時所能承受的力度。而阿 Rain是率先通過 6級程度,仲同日成功挑戰 9級,成為第一個可以同日通過「 G-Force」 6級及 9級測試的韓國人。
Rain談及拍《壯》片的感受時說:「拍戲嗰七個月仲辛苦過當兵,當兵起碼一日三餐都準時,但拍戲嗰時就想食都冇得你食!拍攝期間長期接受空軍訓練,同場演員都笑我,叫我當係服兵役前嘅頭盤,又叫我快啲去當兵,真係激死我。」


當兵之後, Rain心態都好似年輕咗,除咗型仔 look之外,仲不時在網上公開自己的 cutie軍 look。


真實軍 look

型男遇索女




《壯志衝天》講述 Rain飾演的特種部隊空軍駕駛員,因危險駕駛而被降職至 21戰鬥飛行隊。不料飛行隊在訓練時受到不明來歷的戰鬥機襲擊, Rain為了保衞首爾不惜與敵人決一死戰!
在《善德女王》飾演少年天明的申世京,今次飾演連續保持 300次完美裝備紀錄的王牌機械師。 Rain不但向她請教飛行心得,仲順便溝埋呢位靚女。 




降職之後, Rain遇上老鷹隊長金成洙(中)及舊同學李荷娜(左),金成洙後來戰死沙場,擺明催淚。李荷娜早前靠《太陽的女兒》上位,今次表現亦甚為搶眼。 

戰鬥格


Rain拍過不少動作片,順便騷肌取悅 fans,一直態度可取。不過原來他在電視節目表演過街頭摔角,呢吓就騎呢咗少少。


電視台為 Rain在明洞街頭搞咗個摔角比賽, fans自然勁 like啦!


拍《逃亡者 Plan B》 Rain被彈演技浮誇,淨係一味騷肌。


《忍者刺客》係 Rain第一部西片,片中他場場騷肌肉搏,但一頭長髮好趕客。


在《極速賽事》 Rain係一名躁狂
車手,雖然係配角,但好搶鏡。

撰文:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()