新人路過撐場
呢對新人剛好喺附近舉行晚宴,着住結婚禮服都嚟湊吓熱鬧捧蘇基場,恭喜晒兩位連生貴子。

媽咪姐

蘇基空降旺角男女通殺

2012年10月05日 ~~ 第897期 忽然1周

《巴不得媽媽》雖然播完兩星期,但挾着蘇基餘威,古明華(古佬)喺 29日迎月夜,應《忽周》嘅邀請搞咗個簽名會,連踩油麻地碧街同旺角登打士街兩間 Circle K便利店,同《忽周》讀者近距離接觸,派月餅過中秋。

互動片段

蘇基空降旺角男女通殺



當晚場面相當墟冚,有老有嫩逼爆成條街,有啲人群仲企咗出馬路,如果阻到司機大哥,真係要講聲 sorry喇!不過估唔到蘇基個 market咁大,有男有女、有婆婆、有叔叔、有小朋友、有學生妹,仲有外籍人士……勁呀蘇基!其間不斷有途人大叫:「蘇基,加油呀!你一定會攞獎,繼續拍多啲電視劇呀!」感動到古佬有啲眼濕濕㖭。
歡樂時間過得特別快,眨吓眼 200個籌簽完,月餅亦派晒,但啲街坊依然唔捨得走,仲掹住古佬衫尾話:「我唔要月餅,你同我影相留念得啦!」古佬當然來者不拒。大家就影得 happy,最慘係佢老婆古嫂,喺附近等足 3個鐘,等老公做節食飯,蘇基背後女人真係唔易做㗎!
咪話媽咪姐唔提你,記得上《忽周》網 http://www.sw.hk睇埋條片,感受現場氣氛!仲有仲有,要上埋 facebook,搜尋「忽然一周」專頁,做個 friend,再俾個 like支持吓蘇基呀。


嘩!好熱鬧呀!
打橫掃過去成條登打士街都企滿《忽周》讀者,蘇基號召力真係幾勁呀!


少女埋身
睇吓呢兩位熱褲少女,俾蘇哥哥得幾開心,笑到冇咗對眼。既然咁 happy,不如買多兩本《忽周》啦。


鬼 fans
有鬼呀!有鬼呀!外籍男士竟然係蘇基粉絲,仲捉實古佬手臂叫佢加油,真係估佢唔到!


阿伯摸面
呢位廣華街街坊,笑口噬噬,當古佬係佢個仔咁,喪摸佢塊面,異常肉緊。阿叔,細力啲好喎!


美男誘惑
四位美男擺出誘人甫士,唔出你哋張相,真係對唔住媽咪姐!

arrow
arrow
    全站熱搜

    tvb4life 發表在 痞客邦 留言(0) 人氣()