社交圈

識做

2012年09月27日 ~~ 第1177期 香港《壹周刊》

賭王何鴻燊家族有成四房人,邊個唔妥邊個大家心裡有數,但活動上碰個正着囉,鏡頭前都要扮 friend;而一向寸口的四太對住高官,都要笑臉迎人。

陳婉珍阿太擔遮




陳婉珍本週日出席單車慈善錦標賽活動,當日氣溫高達卅一度,身為東華第一副主席 嘅三太,和任東華總理的二房女何超蕸排排坐,開頭二人隔住張空櫈各顧各,但太陽實在太猛,三太大方出手為超蕸擔遮;問佢對阿女超蓮同吳克群 嘅緋聞點睇?「我唔知佢有冇拍拖,亦冇問,向來唔干涉仔女交朋友,亦唔介意同明星拍拖,佢(吳克群)都幾靚仔。」 

四太劈住去


上週六晚在電視城的《星光熠熠耀保良》由梁安琪做籌委會主席,邀請民政事務局局長曾德成(圓圖)來主禮。為免得失局長,四太和兒子猷亨劈住架車由淺水灣入電視城(上圖),要趕及在局長到來前入廠,問四太何生點解唔 嚟?「咪 嚟 咗一個(指何猷亨)。」佢個大女超盈就比較率直,完騷後,見到大會安排載嘉賓去慶功的 van仔(下圖)時愕然話:「吓?上呢架車?」但未食飯嘅佢可能太肚餓,最終都係上車去開餐。




雖然只是電視城的撈粗嘢,超盈都夾滿一大碟填肚。



周汶錡左右逢源




波爾錶上週四在北京搞咗個與 BMW合作的新錶發布會,即將於本週五喺法國舉行一連三日婚禮 嘅名模周汶錡鬼咁識做,收爐前都要撐朋友出席,仲唔介意一個「嬲」字咁夾在波爾錶全球首席營運官 Daniel(右)同另一個老外中間 social;問她覺得老公值幾多分?婚後想即刻生 B的她說:「一百分,佢係完美!」 

撰文、攝影:名人組

arrow
arrow
    全站熱搜

    tvb4life 發表在 痞客邦 留言(0) 人氣()