喺鞋部又坐又行粒幾鐘，仲係一副戰鬥格嘅孫佳君，有職員近距離傍實，免受騷擾。
同你吟一吟
37歲孫佳君豪住復出
曾經同神童輝（羅兆輝）拍拖嘅孫佳君，先後同富商男友劉志坤生咗兩個仔，更獲對方豪送四千萬新加坡豪宅，退隱八年，直至 09發生家暴事件後，孫佳君同男友玩完，並開始放聲氣想復出。
今個月初，孫佳君正式簽約英皇電影，自言想拍番部代表作嘅佢，雖然已經三十七歲，又生咗兩個，但身形 keep得相當唔錯，未有因為養尊處休多年，鬆懈失修。
復出唔係等錢開飯，孫佳君生活如常富泰。上星期五（九月二十一日），《壹》仔喺 ifc見到佢同個女性朋友 shopping，兩人喺 Lane Crawford鞋部消磨咗一個幾鐘，試咗十幾廿對鞋，再掟過女裝部睇衫大半粒鐘。
明顯係熟客兼大客，孫佳君由鞋部過女裝部到運路落四季上車離開，全程有 Lane Crawford職員傍住，派頭十足。
既然要仔唔要公，唔影響生活質素，又唔使再捱打擔驚受怕，孫佳君抉擇英明。
日光日白室內都唔除超，孫佳君睇鞋，似老闆娘巡鋪多啲。
店員將揀咗嘅心頭好俾孫佳君 check多次，之後再送貨。
同女性友人轉過女裝部睇衫，磨多大半粒鐘，之後「運」路落四季酒店上七人車閃。
復出簽英皇，月中公司七十周年 party，孫佳君盛妝到。
十年不變
全站熱搜
留言列表
{{ article.title }}
