霍啟山趁返工有 break，約 Lea飲咖啡，二人本來向住門口坐，未幾，霍啟山換位背向門口，放下戒心的他，跟 Lea愈講愈開心。
探熱針
霍老太唔鍾意 阻啟山娶東歐 Model
霍啟剛下月將結束八年愛情長跑，迎娶國寶郭晶晶。未有正式公開戀情的霍家二公子霍啟山，原來亦有個收埋四年，現年二十三歲的東歐斯洛伐克籍模特兒女友 Lea Tassova，為讓女友同家人搞好關係，他曾讓 Lea隨霍家到北京睇奧運，但霍老太（呂燕妮）卻擺明唔受外籍女子做孫新抱，即使冇下令叫停，但 Lea入霍家無望。
goodbye kiss
Baby，都話要低調啲！（設計對白）
斯洛伐克 Lea Tassova
嫲嫲呂燕妮唔接受 Lea，霍啟山帶返屋企一次後，再未有踏足霍家。
北京睇奧運
與霍啟山秘密拍拖四年的 Lea Tassova，十六歲由家鄉斯洛伐克隻身來港做模特兒，在香港工作三年多，二人在中環鬼妹蒲點 DRAGON I相識，一撻即着。霍啟山一直將這段異國戀低調，平日見面匿埋私竇。
「 Eric（霍啟山）同 Lea喺香港好小心，識咗第一年， Eric就帶佢同埋屋企人去睇北京奧運，之後又去過加拿大同新加坡玩。喺香港反而唔會周圍去，多數喺 Eric中環私竇，兩個匿喺間屋睇一日電視唔出街都得，就算肚餓，都係叫外賣 pizza或者茶餐廳，總之唔係外邊人咁諗，以為同富二代拍拖好富貴；最勁一次都係喺 DRAGON I開咗十萬蚊香檳請朋友飲。
「 Lea最初都唔知 Eric係咩人，後來聽朋友講，先知霍家喺香港咁出名，不過佢都係俾 Eric性格吸引，佢話男友夠 smart，做嘢有條理，又細心，就算 Eric身邊成日有好多女仔，佢哋大炒一鑊，又會好快喺番埋一齊。」知情者說。
○八奧運，朱玲玲跟霍啟剛、霍啟山齊飛北京撐郭晶晶，其實 Lea也有跟住霍啟山一家捧場，只係未有坐埋一齊。
Lea不單行大品牌時裝騷，亦曾經在蘇永康的《別將音量收細》 MV演出。
返鄉下考試
身為香港小型足球總會會長的霍啟山，間唔中也會落場，跟曾志偉等明星足球隊比賽。
拍拖四年，其間霍啟山不乏誘惑！前度章子怡跟美國時代華納大股東 VIVI甩拖後，也曾主動出擊，企圖翻兜家族坐擁三百億的霍家二公子。雖然明知男友跟前度有景轟， Lea依然
死忍。
「 Lea好鍾意 Eric，但每次 Eric飛第二度搞 project，一離開香港，就好難搵到佢。 Lea因為要完成大學課程，要定期返斯洛伐克考試，兩個人唔可以成日見面， Lea為 咗呢 啲事成日情緒低落，兩個間唔中就鬧交。今年暑假， Eric一家去英國睇奧運，本來有預 Lea，不過撞啱兩個冷戰緊，最後都冇去。」
16歲闖天下
嫲嫲唔接受
○八年，章子怡在慈善活動遇上前度父親霍震霆，二人即大方擁抱打招呼。
日前，霍啟山在返上環信德中心公司前，相約 Lea在商場內的 Pacific Coffee飲咖啡，著西裝的霍啟山本來坐在 Lea左邊，不過面向門口，謹慎的他即換位。二人坐唔夠四十分鐘，要趕返公司的霍啟山拎公事包準備走，但臨行前不忘𠌥低身跟 Lea來個 goodbye kiss。
「佢哋見面機會真係唔多， Eric每個星期日都要 family day，陪屋企人食飯，所以一有 break就約 Lea見面。其實 Eric都正式帶過 Lea返屋企見 嫲 嫲，但只係一次，之後就冇再帶返屋企。 Lea知道 嫲 嫲唔係咁接受佢，一來佢係外國人，二來佢行好多內衣騷，老人家梗係接受唔到。」知情者說。
對於跟霍啟山拍拖四年， Lea在電話中回應二人是很好的朋友，問她是否曾經和男友拍拖睇北京奧運及出外旅行，她避重就輕：「我哋都係一班朋友去旅行，至於有咩人，我就唔方便透露。」
上週一，著背心短褲的 Lea，先後被拍到觀塘及灣仔 casting，之後坐地鐵返中環屋企，回家前在附近的便利店買了兩大袋日常用品。
楊海成兒子攝位追
Lea跟霍啟山這四年來不時冷戰，她其中一個追求者楊海成兒子楊嘉杰（黑色背心）即趁機攝位，今年夏天，他便頻頻約 Lea（淺藍色外套）出海。
Lea跟 model朋友在楊嘉杰的遊艇內玩自拍，愈拍愈開心。
Lea跟楊嘉杰有不少親熱相放在 instagram。
收埋拍
現年 28歲的霍啟山， 04年跟來自北京的國產章子怡在 LV派對啜爆，是富二代鑽石王老五之一，自章子怡後，霍二公子拍拖以小心為上，寧俾人知莫俾人見。
Amanda S.
跟章子怡甩拖後， 08年霍啟山以 SMS攻勢喪溝中法混血兒 Amanda S.，又在慈善派對中跟當時仍未結婚，但有男友在身邊的 Amanda S.大跳辣身舞。
章子怡
被指跟美國時代華納大股東 Vi Vi甩拖後，章子怡一度翻撻前度霍啟山，男方不時飛北京密會，之後二人更被目睹到澳門睇水舞間。
Lea Tassova
留言列表
{{ article.title }}
