傅穎我得寵：Theresa全家救出火坑P仔重生 
Theresa當年勇救P仔出困境，對牠可謂痛愛有加。
傅穎（Theresa）養了小狗「P仔」，是她家的心肝寶貝。Theresa猶記得帶八哥P仔返家的時候，牠被舊主人折磨致皮黃骨瘦，我見猶憐，轉瞬間，P仔已經健康成長至9歲，Theresa每次回想與P仔的相處也心甜。撰文：張俊銘
快將28歲的傅穎一向喜歡動物，從小到大家裏養過的動物多不勝數，包括狗、貓、雀、烏龜、魚、兔及倉鼠等，小時候家裏像有個動物園，一家人對養動物經驗十足。
八哥P仔今年9歲，是多年前Theresa家姐的朋友所養的小狗，不過P仔的舊主人對牠不太好，Theresa家姐得悉P仔的慘況，決定帶P仔返家，Theresa說：「當時P仔好瘦，佢個舊主人成日放佢喺好高嘅地方，唔畀佢落地，因為唔畀佢大小二便，唔畀嘢佢食，搞到好瘦。」
P仔認真識享受，要Theresa用靚腳為牠按摩。 
眼大大的P仔經常擺出一副無辜的樣子，的確逗人歡喜。 
Theresa和母親及姊姊（小圖）視P仔為心肝寶貝，更教牠聽指令。資料圖片 識分辨主人
P仔來到Theresa家，主要跟傅媽媽同住，因Theresa已搬離家，所以近年她與P仔見面時間不算多，不過P仔會懂得分辨主人，知道主人只得一個，就是Theresa家姐，傅媽媽就扮演工人角色，Theresa在P仔心中是一個客人。雖然如此，P仔也是Theresa心中摯愛，她說：「因為每一次我返去，佢淨係鍾意逗我同佢玩，每次返屋企見到佢，真係有賓至如歸嘅感覺。」
Theresa經常離港拍戲，有時與P仔一別就兩個月，但牠仍然好乖巧，每次Theresa未入到門口就會先吠，有時更會撲向她親一親，她說：「P仔好聽教聽話，俾我家姐訓練做到啲動作，好似sit、畀手同轉圈都識，令到我哋一家好開心。」
黐身討歡心
不過，P仔最懂得逗傅媽媽開心，Theresa說：「P仔其實好黐身，我媽咪成日都話佢行到去邊，P仔就跟到去邊，搞到佢冇晒時間，不過大家係好窩心，家我哋唔想再養寵物，因為覺得寵物過身之後都好傷心，好似媽咪對住P仔時間特別多，原先大家都話想再養一隻，但又想專注湊P仔，唔想佢被冷落，所以冇再諗呢個問題。」
由幾歲開始，Theresa就接觸不少寵物，當中也經歷過寵物過身。每年都有不少棄置寵物的個案，Theresa認為與寵物相處，最重要不要覺得牠們煩，要好好珍惜牠們的生命。
Theresa說：「當你選擇做佢哋嘅主人，決定買佢哋返嚟或收養佢哋嘅時候，佢嘅一生就交託畀你，佢過得好唔好，真係由你去主宰，動物同人一樣都係好需要愛，要畀足百分百愛心佢哋。」
Theresa望着P仔時扮出牠苦口苦面的樣子，不苦反而很趣怪。 
多年來獲得Theresa一家的悉心照顧，P仔終於有個安樂窩。 老狗傷腰多病痛
養P仔的這些年，牠身體都算健康，但也發生過小插曲，Theresa說：「帶佢去散步，佢最鍾意同啲大狗玩，試過俾大狗咬咗pat pat一啖，真係好深刻嘅一次意外。」
近年P仔年紀漸長，身體毛病開始出現，令Theresa相當擔心：「有段時間P仔嘅後腳行得唔係咁好，後尾發現係發炎，好彩家冇事，不過始終佢年紀大，腰骨又有啲事，行得比較慢。」
Theresa續說：「照顧P仔開心比辛酸多，有時見到朋友啲狗仔咬到牆身、梳化爛晒，自己先會諗起P仔完全冇呢個問題，只係細個時試過一、兩次喺家姐張床瀨尿，佢真係好乖又得人歡心。」
P仔
品種：八哥
年齡：9歲
性別：雄性
留言列表
{{ article.title }}
