Chok夠未呀你?（設計對白）
我 chok樣所向披靡！（設計對白）
林峯同鄭中基鏡頭前默契十足，但原來私底下冇乜交流。
媽咪姐
鄭中基嫌林峯 chok
由鄭中基同林峯孭飛嘅愛情喜劇《男人如衣服》將於下個月 11日上映。鄭中基宣傳時大讚林峯好戲：「同林峯做對手戲好有火花，佢做得非常之好。」俾搞笑高手猛讚，林峯亦識做話：「佢係好好嘅喜劇拍檔，可以帶動到對手。」兩男互笠高帽，但原來只係做戲。
事實上，鄭中基嫌林峯太 chok。話說監製黃百鳴原本屬意鄭中基同楊千嬅呢對舊戀人孭飛。點知開拍前一個月，千嬅突然有喜辭演，無計可施下，黃百鳴惟有搵親生女吳千語頂上。但度過算過，呢個組合叫座力確實一般，黃於是再搵本身有電影合約嘅林峯幫手。不過一山不能藏二虎，加上林峯係少女殺手，為免被搶鏡，鄭中基決定劈炮。知情人士爆：「為咗掂 Ronald（鄭中基洋名）留低，黃百鳴以一戲換一戲，下年賀歲片預留角色俾佢。」鄭中基以為輸鋪雞糊啫，點知最終冇期拍賀歲片，雙辣都輸埋， chok峯贏晒！
原本套戲主力 sell中基同千嬅，依家千嬅嘅角色由新人吳千語頂上，就嗱嗱臨搵林峯、毛舜筠加入，難怪鄭中基嬲！
一向識做嘅鄭中基（圈）當然黐實導演谷德昭睇 playback，同林峯就離行離列，懶得交戲。
林峯（左一）戲中 chok樣搶鏡，私底下亦同戲中拍檔兼緋聞女友吳千語（右一）一齊到街市大牌檔開餐。公私都贏晒鄭中基。
全站熱搜
留言列表
{{ article.title }}
