上咗岸係 hea啲㗎喇！（設計對白）
Kathy即使戴住眼鏡依然遮唔住睡眼惺忪樣，加埋求其紮住嘅嗰把頭髮，媽咪姐想見你唔到都難。
媽咪姐
周汶錡着定紅衫等嫁
再見亦是朋友呢樣嘢，其實真係易講難做。好似媽咪姐今時今日見番啲舊相好，表面冇嘢，但心入面始終有啲哽住嘅！好似今年 38歲嘅周汶錡（ Kathy）下個禮拜就同法籍男友 Julien拉埋天窗，仲飛去法國康城擺足三日酒，原本好哋哋，但前度杜德偉咬住唔放，又宣布 11月結婚，搞到 Kathy一聽前度個名就發爛渣：「做咩問我？咁多年嘅事，算啦，放過我啦！」
人結你又結，難怪 Kathy咁激動。不過冇理由俾前度影響心情，於是 Kathy周一（ 17日）就索性着住件紅色 one piece裙行銅鑼灣沖喜下，佢仲素顏兼披頭散髮遊街㖭。雖然有人認頭啫，但 Kathy咁嘅 look出街，都咪話唔攞膽。
50歲嘅杜德偉，準備迎娶 26歲小女友 Ice，兩人拍拖 3年，都係時候啦！《蘋果日報》圖片
周汶錡同法籍男友 Julien拍拖多年終修成正果，難怪早排孖住去 ball晒恩愛。但媽咪姐問 Kathy婚事搞成點，佢又話「私人嘢唔答」，好矛盾。《蘋果日報》圖片
情敵回歸
曾經俾周汶錡未婚夫 Julien狼咀嘅女星張苡澂（左），離開香港兩年，最近咁啱又返咗嚟喎！仲同 𡃁模王璐瑤（右）去探訪老人院。但佢嫁咗俾美籍富商， Kathy唔使驚喇！
Kathy身上條紅色裙質地薄，裙腳又皺，係咪着錯睡裙出街呀！
全站熱搜
留言列表
{{ article.title }}
