提老公即黑面
周三( 19日)樂基兒回港出席酒店開幕活動,雖然全程笑晒,但當記者問到與黎明感情如何?她即時面色一沉說:「呢啲我唔講!」態度一百八十度轉變。

大封面

美國親友爆 黎明俾 5千萬現金  6千萬美國大屋 樂基兒決意離婚

2012年09月21日 ~~ 第895期 忽然1周

月初本刊獨家報道樂基兒今年三月申請愛犬 Tiger移民美國,上月中黎明更辭去夫妻聯名公司董事一職,兩人關係似乎已有所改變。果然紙包唔住火,據樂基兒美國親友爆料,黎明樂基兒決意離婚,結束四年夫妻關係。
黎明更一筆過付了 5千萬現金及買了三間位於三藩市的獨立屋俾樂基兒。
加埋 08年婚後黎明送贈的三間獨立屋,樂基兒現時坐擁總值約 1億 5千多萬的三藩市物業。
有錢有樓揸手當然生活無憂,親友指回復單身的樂基兒將會返三藩市生活,並計劃重返校園報讀獸醫。
為回復單身自由生活,樂基兒原來一早部署好晒。

互動片段

樂基兒拒講夫妻關係



闊綽黎明
黎明身家豐厚,公司賺錢之餘,投資房地產多年亦大有斬獲,粗略估計資產超過十億。現在分 5千萬現金及幾幢豪宅給樂基兒,都只係身家的一小部分。

05年黎明撻着鬼妹仔樂基兒,雖然兩人年齡相差 14載,但人前人後都非常恩愛, 08年更在美國拉斯維加斯秘婚。不過貴為 Amusic老闆的黎明公務繁忙,近年與樂基兒聚少離多,感情亦由濃轉淡。去年兩人傳出感情有變,黎明今年初更遠赴三藩市陪樂基兒過新年,欲挽回夫妻關係,但最終都改變不了分開的命運。 

年初箍煲之旅


今年一月,本刊獨家報道黎明親身飛往三藩市同樂基兒甜蜜過年,兩人玩足一個星期後,黎明先行返港工作,樂基兒在機場送別黎明時深情擁抱。





預告返愛巢


樂基兒在活動上向記者講明,預計會有很多傳媒朋友追訪,活動後她果然刻意返回上水愛巢。但本刊記者當日一大清早已在兩人上水愛巢等候,直到活動開始都不見其座駕駛出,顯然樂基兒當日並非由愛巢出發。





性格南轅北轍


逝去感情留不住,樂基兒亦不想兩人關係拖泥帶水,美國親友向本刊爆料,指雙方協議搞離婚。樂基兒美國親友說:「佢 哋兩個根本係兩個世界 嘅人,生活態度好唔同。黎明好享受奢華生活,識食識嘆,出入高級食肆,係買完遊艇就想買飛機 嘅人。 Gaile(樂基兒)完全唔同,佢鍾意簡單生活,踢拖去麥當勞食包都冇問題。黎明愈有名有利,同 Gaile嘅理念就愈拉愈遠。 Gaile試過叫黎明放棄一切,一齊返美國生活,但黎生點會肯?既然唔夾,咪分開囉!」
黎明自與樂基兒結婚後,成熟穩重形象入晒屋,公司亦因此樹立穩建形象。若兩人分開消息傳出,對黎明本人甚至公司形象都會有影響。奈何黎明如何出力箍煲,樂基兒最終都不為所動。

感情事一概不答


樂母狂讚 Leon
即使黎明同樂基兒關係有變,但樂母依然對黎明讚不絕口:「 Leon份人好孝順,對老人家好好!我好鍾意呢個女婿!」

離婚傳聞甚囂塵上,女主角樂基兒本周三( 19日)出席酒店開幕活動時,對夫妻關係三緘其口。記者笑指她曬黑了,她說:「之前去咗外地滑水。(最近有冇坐 Leon隻遊艇出海?)呢啲唔答。(有指愛犬 Tiger會跟你返美國生活?)暫時我仲會喺亞洲,佢( Tiger)依家仲喺香港。(之前黎明辭去同你聯名公司董事一職?係咪有啲嘢要分清楚?)呢間公司係我嘅,最初佢只係幫我 start up,依家我 handle番。(同黎明依家感情係點?)呢啲唔會答。(咁係咪已經冇住上水愛巢?)全部都唔答,我知道有人會跟啦!」
樂基兒為扯開記者問題,自爆早前與友人合資在中環 Dragon i樓下開了間墨西哥餐廳。其後本刊記者追問樂基兒是否仍是黎太,她乾笑了幾聲迴避問題。再問她黎明是否已給她五千萬現金以及手揸六幢三藩市物業?樂基兒聽罷面色一沉,其身旁助手即擋駕說:「私人嘢全部唔答!」問到她未來有甚麼計劃,樂基兒拋下一句:「下次話你聽!」 

雙方協議一刀切


根據美國法例,在美國註冊結婚的夫婦,離婚時妻子是不可以分丈夫一半身家的,除非雙方在結婚前達成協議便可。據知樂基兒對「離婚協議」並沒有太多要求,亦沒要求每月贍養費,她只想「一刀切」。經雙方協議後,黎明豪爽地一筆過付了五千萬港幣及位於三藩市的三間獨立屋作為補償,「黎明其實仲好愛 Gaile,不過佢始終唔甘心放棄佢香港 嘅事業。今次一筆過俾咁大筆錢,加埋之前送 嘅物業已經過億。」
現時樂基兒擁有的三藩市物業都是與媽咪聯名,計埋 08年結婚時黎明送贈的兩間獨立屋、今年初入伙的價值 4千萬 Ruby Hill豪宅,以及 4至 8月買入的三間大屋,樂氏母女已有六幢物業揸手,每月收租約四十萬港幣,收租都收到手軟。雖然黎明豪爽派錢,但他與岳母的關係卻非常疏離。本月初樂母在三藩市接受本刊記者訪問說:「好耐冇見女婿,佢對我 哋好好,我都希望佢開心!」前女婿咁識做,難怪樂母對黎明依然有讚冇彈。


美國生活悠閒
樂基兒今年年初返娘家三藩市叉電,在當地生活非常悠閒,最愛行超市買日用品,閒時亦會到花店揀花,生活非常 hea。


返港喜愛夜蒲
樂基兒在香港生活壓力大,間中會約埋三五知己到中環蘭桂坊夜蒲。不過多次被傳媒撞正,據知黎明略有微言。

Tiger即將赴美


今年七月,黎明離任兩人聯名的昕倩有限公司董事一職,愛犬 Tiger亦於今年三月申請移民美國,婚姻關係有變絕對有跡可尋。





在港生活感壓力


樂基兒早已部署今後生活大計,為重返三藩市娘家做足準備。今年三月她為愛犬 Tiger辦理移民美國手續,預備在港交代一切後,未來數月她將會完成亞洲及香港手頭上的工作,然後連人帶狗返三藩市,重過新生活。樂基兒在港揹 着「黎明嫂」的名字,少不免感受到壓力。一向習慣在外國無拘無束的生活,在港卻經常活在大眾及傳媒視線之下,心情當然煩躁。據樂基兒密友透露:「 Gaile喺香港壓力好大,連 瞓覺都會握緊拳頭,放鬆唔到。但佢一返到三藩市就大覺 瞓。返到香港為 咗減壓,佢會約埋 啲 friend去蒲吓 relex吓,黎明當然唔鍾意啦,驚俾記者影到又大造文章,所以成日叫 Gaile留 喺屋企唔好出街,但佢又唔得閒陪 Gaile,屈 喺屋企悶都悶死啦!」


鞏固老闆形象
貴為 Amusic老闆的黎明非常緊張事業,今年初以老闆身份出席寰亞春茗,更與《無間道》導演劉偉強在台上抽獎。


潛水避記者
黎明對上一次出席公開活動是 9月 4日。當日他並沒有交代婚變傳聞,只在助手子泉耳仔邊說了兩句便速閃,刻意避開傳媒。

重返校園生活


受唔住壓力,樂基兒計劃返三藩市重過校園生活。樂基兒自小喜愛動物,志願是成為獸醫,密友續說:「 Gaile最鍾意小動物,佢已經諗好晒,讀完個獸醫學位,想 喺美國開間獸醫診所,幫 啲小動物之餘,又可以過簡單生活。咁先係 Gaile夢寐以求 嘅人生。」
上月樂基兒 32歲生日,有傳黎明送了價值三百多萬的 Bentley房車及一千八百萬的 Sunseeker遊艇作為生日禮物,樂基兒回應時非常含糊,「禮物係心意,遊艇或者花生都好,我都鍾意,唔關禮物大細同價值問題。我好鍾意去沙灘游水,但呢排就冇出海喎!」夫妻關係搞成咁,兩人一齊出海的機會已經好微。

早已搬離愛巢


兩人最後一次同場出席的公開場合,已是去年 12月黎明開演唱會,當時傳出懷有身孕的樂基兒一直避席冇露面,直至尾場才現身後台,並與李嘉欣、許晉亨齊齊合照。有指近月樂基兒為掩飾與黎明的關係變化,每次有記者追訪,她都刻意返回黎明仍居住的上水寓所,但事實上她早已搬離昔日愛巢。
樂基兒已為自己單身之路計劃好晒,睇怕黎明今次真係無力再挽。

物業遍布三藩市


黎明與樂基兒結婚至今,黎明先後贈送了六間位於三藩市的獨立屋俾老婆揸手,現時物業全部由樂基兒與樂母聯名擁有,物業總值約港幣一億五千五百萬,絕對唔 嘢少。

婚後送 9千萬物業




Berkely區
08年樂基兒下嫁黎明,當時他送出兩間位於三藩市 Berkely區總價五千萬港幣的獨立屋給樂基兒作為禮金。


Ruby Hill
11年 3月,有傳二人婚姻告急,黎明即時箍煲送贈位於三藩市 Ruby Hill價值四千萬港幣,共一萬二千呎的大屋給樂基兒一家居住。

分後再送 6千 5百萬物業


12年 4月至 8月,兩人夫妻關係有變,黎明最後再送贈三間獨立屋給樂基兒,分別位於三藩市的沿岸地區, Richmond、 Alameda及 Hayward區,共值六千五百萬港幣,成為黎明給樂基兒的「最後禮物」。


Richmond區


Hayward區


Alameda區

唔使分一半身家


黎明樂基兒 08年在美國拉斯維加斯註冊結婚,所以其婚姻會根據美國法律,離婚時男方唔使分一半身家俾女方。黃國桐律師:「如果 喺拉斯維加斯結婚,若果離婚,可以 喺香港直接搵律師搞離婚手續就得喇!至於分身家方面,美國係行婚前協議,而呢個協議都係有法律效力,所以全部都 喺結婚前雙方傾掂數。」如果照樂基兒呢個 case嚟睇,黎明咁大手筆,都算有情有義。


黃國桐律師


上年傳婚變期間,有人上載他們在北京的恩愛相到微博,力證兩人並冇婚變。後來被周刊踢爆是黎明搵助手影相,自導自演,成為一時佳話。


本刊上年獨家報道樂基兒搬離上水愛巢,之後她在活動上更回應說:「搬屋? Maybe啦!」

讀四年做獸醫


樂基兒重返校園,計劃返三藩市讀獸醫,但獸醫是專門學科,要入讀都要有條件。首先要擁有一個認可的學位,理科學位會優先考慮。樂基兒畢業於香港藝術學院藝術系學士,故必須修讀一年的銜接課程,才可申請入讀獸醫。位於三藩市的 University of San Francisco有獸醫科修讀,學校環境優美,距離樂基兒寓所只需半小時車程。學費方面,四年學費共九萬六千美元(約七十五萬港元)。


三藩市大學校舍最近重新裝修,室外又有一大片草地,樂基兒大可以坐在樹下睇書,盡情享受校園生活。


一直有傳樂基兒好想生小朋友,可是現在計劃有變,她決定唔生仔去讀獸醫,照顧貓貓狗狗。

撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()