摸黑濕吻
腎上腺素飆升的吳卓羲與 Toby無懼旁人，鼻貼鼻磨了一會，最後更嘴對嘴濕吻。
滾熱辣
30張淫照 有聲有畫足本睇 人妻 Toby濕撩吳卓羲
姐仔屠夫吳卓羲，早前遭內地乳神張馨予狠撇，餓足兩個月。無女不歡的他，上星期終再現急色本性。
周一（ 17日）凌晨時分，隨大隊到三亞拍攝《衝上雲霄 2》的吳卓羲，遇 着 35E舊相好梁靖琪（ Toby）。縱使對方已是人妻身份，但食得唔好 嘥的吳卓羲，趁幾分醉意，摸黑在酒店泳池，與 着上火辣泳衣的 Toby，上演連場濕吻肉搏，摷攬摸抱慾火焚身。《衝上雲霄》變衝上淫宵，二人最後更雙雙拖 着手返酒店房。
事後吳卓羲強調一直視 Toby做妹妹，更堅稱冇錫冇攬女方。但真的假不了。一切真相，盡在本刊 30格連環照片和錄音之中。
衝上雲霄變衝上淫宵 人妻 Toby濕撩吳卓羲
9月 17日
淫眼調笑
換上浴袍的 Toby，陪吳卓羲在餐廳隊酒，其間她不時對男方眯眯眼，又主動調笑，狀甚着迷。
摸面挑逗
提出深夜潛入泳池的 Toby，甫落水即忍唔住姣摸吳卓羲塊面。
愈挨愈埋
吳卓羲與 Toby自顧在一角嬉戲，愈挨愈埋。
情深對望
兩人含情互望，㷫烚烚的吳卓羲更除去背心。
男上女下
Toby主動撩吳卓羲和黃長興玩水中摔角，兩男均愛將 Toby㩒進水中，玩男上女下。
英雄救美
吳卓羲見黃長興同 Toby玩得咁開心，大呷乾醋，一手 㩒住女方膊頭同長興講數，爭女爭出面。
肉緊攬實
推推吓，兩人濕滑的身體肉緊摟作一團， Toby開心到整個身體挨實吳卓羲。
水中推油
吳卓羲爭贏 Toby，兩人在水中互推對方油潤十足的肥腰， Toby所戴的 bra top泳衣亦愈扯愈低。
淫笑呵呵
玩贏 Toby的吳卓羲， high爆笑淫淫高舉勝利手勢。
忘形甩 bra
同吳卓羲肉搏到忘晒形， Toby泳衣移位，幾乎變露雲娜，局住潛入水中，整理泳衣。
潛水整 bra
激除底褲
吳卓羲一句：「今日除褲嘅，邊個就係兄弟！」黃長興二話不說除去港男何君誠泳褲 fing fing吓。
無 綫劇集《衝上雲霄 2》上周到三亞拍攝外景，在七日六夜中，知道有傳媒在旁的吳卓羲，一直循規蹈矩，唔敢埋女身，寧願做獨家村。但在最後一日的煞科宴後，吳卓羲終忍唔住顯露餓狼本色。當晚眾人食到晚上 11點，吳卓羲、 Toby、黃長興及數個幕後人員繼續留在餐廳劈酒。直到半夜 1點，由於夜已深，眾人直覺已沒有記者在場，說話聲浪開始肆無忌憚，愈講愈大聲。
粗口橫飛
眾人嫌齋坐猜枚唔刺激，有人便提議偷偷潛入已關門的泳池繼續狂歡。已換好冇帶黑色 bra top泳衣的 Toby，帶埋上等威士忌 MACALLAN到泳池，更帶頭狂隊烈酒。酒精直達喉嚨後， Toby隨即發出「 he he唉唉」呻吟聲，更連爆三句粗口：「嘩， 啲酒好×揦喉，好×揦喉，真係好×揦喉！」 Toby嬉春叫聲再加 E級巨胸左右盪漾，令現場男士大為興奮。
去年 12月 Toby下嫁拍拖僅年半，擁億萬身家的富二代黃敏豪。
吳卓羲去年正正因為參加 Toby婚禮，遲遲唔覆女友張馨予電話，張用吳微博發放 牀照，令戀情曝光。如今女友已甩，估唔到吳卓羲隨即與人妻 Toby打得火熱。
言語挑逗
其間，飲到醉醺醺的吳卓羲提議玩水上摔角，奈何與大隻佬黃長興玩時，經常被對方成個人掉入水中，唔服輸的吳卓羲異常爛口，不斷爆粗：「咁×大力，仆你個街，×你！」其後輪到黃長興和 Toby對戰，見 Toby唔夠打，吳卓羲即衝前攬實 Toby，一邊睩大隻眼望實黃長興：「你咪×郁佢呀，仆你個街！」
Toby眼見吳卓羲「英雄救美」，即肉緊箍實對方，兩人擁作一團。其間吳卓羲更多次公然眼定定望實女方上圍說：「你咁好營養，對住你有乜可能完全冇反應先！嘩……舔口水先……！」更即時做吞口水動作，之後再補句：「睇到眼都凸×埋出 嚟！」被吳卓羲言語性挑逗的 Toby，不單止冇嬲，還爬上池邊趷籮擺出誘人甫士。有戲睇，吳卓羲和黃長興等一眾麻甩，即邊嘆煙邊欣賞。
吳卓羲出言性挑逗， Toby不單冇嬲，還使出一招爬上岸趷籮，睇到後面的吳卓羲眼凸凸。
趷籮任 𥄫
嘆事後煙
誘惑在前，黃長興即識做地為眾人點番支煙，邊嘆煙邊欣賞。
箍頸制服
嘆完煙，吳卓羲又重投 Toby懷抱。這次 Toby成個波餅頂埋去，仲用手箍實吳卓羲，爽晒。
Toby箍得吳卓羲太實，令 bra top再次移位， Toby即當住吳卓羲及黃長興整理泳衣。
拖住上房
三度被酒店職員勸告，眾人無癮散 band。行前的 Toby等埋吳卓羲後，二人公然拖手返酒店房。
埋牙濕吻
當眾人繼續分開兩組對賽猜枚時，吳卓羲卻靜靜雞拖住 Toby，拉對方到泳池另一邊。二人深情對望一眼後，竟然嘴對嘴濕吻起來，其間女方更發出一陣陣浪盪聲。咀完一輪後，才游回眾人面前，吳卓羲此時忽然 㩒女方的頭入水中， Toby在水底逗留接近十秒才浮上水面，與吳卓羲扭作一團嘻哈大笑。
老公接機
周一（ 17日）下午，《衝》劇組回港，而返香港前， Toby已事先向老公報定案，難怪來接老婆的富二代老公黃敏豪顯得無奈尷尬。
強裝鎮定
雖然 Toby老公向記者表明自己知情，但當睇到老婆親熱照片後，即粒聲唔出拎行李上車，留下 Toby獨自應付傳媒。
泳池屙尿掉煙灰
與 Toby纏綿過後的吳卓羲，精神大振更提議玩剝褲，大嗌：「今日除褲 嘅，全部都係好兄弟。」吳講完後，全部人隨即一哄而上，眾人更夾手夾腳除去港男何君誠的泳褲。當眾人打算除吳卓羲底褲時，吳即大叫：「好急呀，啊啊！」然後游埋一邊，過了一分鐘才游回池中再點煙說：「舒服晒！」吳疑似在泳池屙尿之餘，更將手上煙灰彈落池中，極之冇品。
前後腳避嫌
翌日早上，吳卓羲和 Toby已收到風，知道斷正，因此刻意與對方保持距離。
情侶耳筒露餡
酒池肉林後翌日，大隊退房離開三亞，本來一直保持距離的吳卓羲與 Toby，卻因男方忍唔住借白色耳筒俾女方而露出破綻，二人更心有靈犀地同一戴法。
拖手上房
吳卓羲回應本刊及其他報章記者的答案一致，堅稱與 Toby冇拖手、冇錫嘴、冇爆粗，但本刊全程直擊，有聲有畫，睇怕佢都難再抵賴。
眾人在水中玩了接近兩小時，由於聲浪實在太大，在酒店住客再三投訴下，酒店職員終出面驅趕他們。但意猶未盡的 Toby，在離開池邊時，仍不時向後望，等待行在後面的吳卓羲。待吳行到身邊， Toby再次懶理已為人妻的身份，旁若無人拖 着吳卓羲的手，雙雙施施然返回酒店房。
翌日，大隊脗程返香港，早已聞到味的吳卓羲，一改以往見記者如見鬼的態度，在酒店大堂主動上前問記者：「噚晚係咪影到好 嘢呀？最後一日放鬆吓 啫，諗住浸吓水傾吓偈之嘛，都係食煙飲酒呢 啲！（影到你同 Toby好熟喎？）哦，我同佢好熟啦，當佢細妹咋！」而 Toby亦緊隨其後，堅稱對方是大佬。「佢係我大佬，我男仔頭性格，同個個男仔都係咁玩， just for fun。（你老公唔介意？）佢唔會 㗎！佢見我玩得開心佢就開心。」待 Toby行開後，就連唔關事的胡杏兒亦走埋記者身邊說：「影到咩 啫？唔關我事嘛，我同班女仔去另一邊泳池游水咋，我 哋呢邊好健康 㗎！」塘邊鶴幸災樂禍。
吳卓羲和 Toby其實早於 06年拍《歲月風雲》時已傳過緋聞， Toby當時更多次直呼對方做老公。但如今 Toby已為人妻，依然毫不忌諱與對方親熱， 29歲女，玩之前有冇諗過自己老公呢？
專溝同劇星
鬼妹性格的 Toby思想開放，故入行以來都緋聞不絕，與合作過的男星異常投契。
敖嘉年
10年敖嘉年在 K場被冼灝英爆樽傷眼，爆出冼睇唔過眼敖背住拍拖多年正印，在場與 Toby舉止親暱。當晚 Toby更陪住敖到醫院縫針，關係非淺。
黃宗澤
09年兩人在內地拍《搞星之旅》日對夜對終出事，有傳兩人更向監製要求加咀戲，回港後 Bosco被胡杏兒大興問罪之師。
苗僑偉
06年 Toby與三哥在寧波拍《歲月風雲》期間不時出雙入對，二人更在深宵十指緊扣漫步，事後女方堅稱：「同 Uncle出街拖手冇問題喎！」
蕭正楠
兩人初入行時同是大國文化的新人，當時蕭正楠力追 Toby，但有傳女方的無綫高層父親梁家樹棒打鴛鴦。
緋聞多籮籮
吳卓羲的溝女戰績夠晒彪炳，下至國內肉彈索女歌手、純情港姐，上至一線花旦都是他的獵物。
情繫張馨予
《蘋果日報》圖片
10年，吳卓羲拍國內劇《大丫鬟》時，搭上 F級乳神張馨予。惟吳卓羲打死唔認，令女方心淡。直至今年 5月，張馨予搭上內地演員李晨，隨即單方面宣布與吳卓羲分手。
快上馬賽
10年，吳卓羲拍處境喜劇《女王辦公室》時，對 22歲純情港姐馬賽起痰。更索性由大坑搬到清水灣半島居住，與她做鄰居。
啜掂徐子珊
有傳吳卓羲與徐子珊，在拍《法證先鋒 III》時，假戲真做啜爆撻着。有指女方不時打電話及以短訊攻陷他。
越級嗒阿佘
06年，吳卓羲與佘詩曼合拍劇集《歲月風雲》後撻着，吳更被本刊斷正車阿佘返歸。
搭上官恩娜
04年，吳卓羲與官恩娜合作劇集《酒店風雲》戀上。其間，他多次用戰車接載女方斷正。兩人的關係維持兩年左右告終。 
留言列表
{{ article.title }}
