35歲顧志雅 Don,做模 10多年去過台灣發展,但一直撈唔起,最成功就係前年 7月由朋友介紹認識 50歲富婆榮文蔚。根據 Don庭上口供, 2人於 10年 7月在蘭桂坊認識後,即晚發展親密關係,之後 Don得到榮文蔚照顧,由 黄大仙公屋升呢住西環縉城峯,兼由榮提供 2張信用咭「傍身」。

夜蒲撻着

得名媛照顧, Don由屋邨仔變上流人,榮文蔚仲帶佢出席 ball場廣結人脈。可惜男人有錢就身痕,據知 Don跟榮文蔚撻着 3個月後,便認識當年 22歲,上圍 34D的模許穎 Phoebe(之後有報道指 Phoebe虛報年紀,推斷當時應該 25歲)。由於二人份屬喜愛夜蒲,加上 Phoebe擁有索爆身材兼青春無敵,所以一撻即着,知情人說:「佢兩個玩得好埋,冇耐就連 Yvette身邊嘅朋友都知道。」

Phoebe經理人:老闆介紹識

Yvette之後有感 Don另結新歡,曾請私家偵探跟蹤 Don,而該 34萬咭數 Yvette亦不願還,更向老公阮偉文表示不知情,向銀行投訴,銀行最後報警。 Don上庭期間,更大爆與榮文蔚關係,他堅稱與對方為情侶關係,不是被包養,更指與榮老公阮偉文等一行五人曾同遊西班牙,「當係同行朋友, say hi……人哋點睇我控制唔到。」
本週一,本刊致電 Phoebe經理人 Reeve,他死口不認 Phoebe跟 Don曾搭上,但就承認 3人認識,「呢啲咁無稽嘅新聞冇可能啦……應該係我哋模特兒公司老闆(梁家裕)搞嘅 party內,介紹咗 Phoebe畀佢兩個( Yvette同 Don)識,我肯定 Phoebe冇佢哋電話,同埋只見過一次。」

 

榮文蔚 家族猛料

榮文蔚跟老公阮偉文 96年結婚, 02年誕下兒子阮永謙,老公係電子業太子爺,而榮文蔚亦跟好友何超瓊開設天機公關公司,客戶包括 Prada、 LV等名牌。榮文蔚本身亦系出名門,係前中信泰富主席榮智健的侄女,家境富裕,不過老公經常出外地工作, 2人關係近年淡如水,但爆出男模事件後,阮偉文亦喺 6月陪老婆出席公開場合力撐。 

人妻多男伴

榮文蔚同老公阮偉文結婚 16年,不過婚後 嘅榮文蔚身邊男性朋友依然旺場。除 咗健身教練常伴左右外,出席 ball場亦會帶同高大型男作伴,生活多姿采。

 

arrow
arrow
    全站熱搜

    tvb4life 發表在 痞客邦 留言(0) 人氣()