峯女郎　吳千語



Girl in Summer

峯女郎　吳千語


因為一個 Tempo兜巴摑肥仔的廣告，被《葉問》導演葉偉信發掘拍戲的吳千語，浙江出世，但擁有澳洲、法國及中國血統，齊集三地優良基因。
夠青春又 mix得靚，去年簽約黃百鳴旗下的天馬電影。出道未夠兩年，已拍過 3套戲，又曾與吳尊、古天樂及林峯等靚仔合作，恨死唔少 90後同齡少女。下月 11日上畫的《男人如衣服》中，吳千語將會同鄭中基演情侶，最緊要係極速同 chok王林峯拉上關係，電影加緋聞一齊煲，得咗！








有傳林峯拍《男人如衣服》時撻着吳千語，兩人多次被影到拍拖食飯。

Karena




由 model轉型做演員， 18歲吳千語算好命，有老闆黃百鳴睇住，唔使磨三五七年已有女主角做。外表柔弱，以為吳千語鍾意舒舒服服拍愛情片，估唔到佢竟然想做打女：「我冇學過功夫，但好鍾意睇關於殺手同特工嗰類電影，外國打星中，我最愛 Angelina Jolie，香港就梗係甄子丹，佢套《葉問》太深入民心喇，希望將來有機會同佢合作！」 




姓名：吳千語（ Karena）
年齡： 18
身高： 168cm
三圍： 33， 23.5， 34 

chok峯多嘢講




拍打戲想搵宇宙最強做對手，拍拖當然要揀個靚仔出手。盛傳林峯拍《男人如衣服》時勁冧吳千語，最近又被影到去大牌檔撐 枱腳，但吳千語死口唔肯認係新 chok嫂：「我o依家冇拖拍，我都想，不過冇時間。阿峯係一個好開朗嘅男仔，如果熟絡咗，佢會好多嘢講、好健談，之前拍戲要去杭州，嗰段時間大家收咗工會一齊食飯，好開心！」
arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄