惠英紅施魔爪 嚇窒男員工
影后惠英紅外表予人感覺雖滿有霸氣，但原來十分貪玩，為了幫拍攝現場工作人員提神，自名「撻火紅」的紅姐會伸出魔爪狂彈眾人乳頭，十分搞鬼！
影后惠英紅在新片《結婚那件事》與藝人江若琳（Elanne）、馬來西亞歌手陳慶祥（阿牛）結緣，自名「撻火紅」的紅姐，自爆在片場經常向男工作人員伸出「魔爪」，導演鄭建國亦是「受害者」。
只係想放肆下
紅姐對此笑謂：「因為拍戲時間好長，又熱又多蚊，有時見到啲人跌watt，我就會走埋去彈佢哋嘅乳頭，等佢哋醒神啲。成個廠嘅男人都畀我搞過，我唔係刻意非禮，只係想放肆下，有時太認真咁搞笑反而唔好玩，無乜界線同善良嘅搞笑會開心同醒神啲。」
紅姐大讚Elanne（左）做戲有天分和有實力。
鄭建國透露自己亦是受害者，又大爆紅姐愛猜枚提神。
由於四處「辣火頭」，紅姐笑言曾有工作人員意圖反擊，到最後還是被她嚇至收手：「我會話：『嚟呀！我畀你我畀你（彈乳頭）！』嚇到佢哋即刻唔敢郁。」
Elanne有天分
鄭建國又爆料指紅姐愛在片場與阿牛猜枚提神，紅姐則反指導演偶爾會與阿牛打乒乓球自娛，紅姐力讚阿牛是驚喜製造者：「佢會突然彈句嘢出嚟令到全部人笑到肚痛，好鬼馬！我最鍾意笑佢：『扮怕醜、揩你油』哈哈！」
紅姐又力讚Elanne夠坦白及做戲有實力：「佢影齡雖然唔大，但有天分，起碼會令人覺得她唔係做緊戲，呢樣竅門唔係一般演員可以捉到。」
文：影視組
全站熱搜
留言列表
{{ article.title }}
