今年飛仔以卡通人物咩咩羊參賽，獲大賽優異獎。

Pets

狗仔染毛大變身

2012年09月14日 ~~ 第894期忽然１周

寵物染毛造型潮流於日本流行多年，近年染風直吹香港，早前九龍灣展貿中心就舉行了全港第二屆寵物染毛造型大賽。參賽的狗仔造型創意無限，簡直 360度大變身，有變成羊仔，也有變成花朵，一句到尾：唔似狗樣。有人讚得意，有人鬧虐畜。不過寵物主人卻樂在其中，今屆優異獎得主飛仔主人浠婷更直言，染毛令她的寵物尋回自信。

身為寵物美容顧問的浠婷，多年前已接觸日本寵物染毛造型潮流，去年更跟愛犬飛仔參加全港寵物染毛造型大賽，奪得全場最傑出創意獎。今年再下一城，雖然只取了個優異獎，但也心滿意足。
「我覺得染毛造型是一種藝術，跟飛仔染毛造型時，很講求牠跟我的默契。上次出賽的迷彩造型，用了 6日分段去染色，等上色時，飛仔要被另外３個人用手托住牠的頭和手腳，需要耐性，如果隻狗仔同你關係唔好，或唔信任你，都幾難做到。」
大人覺得過癮，但動物都有情緒，有無讓飛仔睇番自己的新造型？狗唔似狗，無唔開心咩？
「飛仔都無乜機會照鏡，就算見到，牠也不懂欣賞自己的造型，又無鬧情緒喎！反而這個造型吸引了不少人注意，稱讚牠。雖然牠不識人話，但看見成班人笑瞇瞇看着牠，圍着牠，逗牠，動物都有情感，會感到自己被友善對待及重視，反而好興奮。」拍攝當日，記者跟浠婷和飛仔於旺角街頭站立不到一分鐘，飛仔的矚目造型已吸引了十多人圍觀，有的拿出手機拍攝，有的笑着逗飛仔。看得出飛仔興奮開心之餘，也突然變得神氣起來。

在旺角街頭站不到 1分鐘，即有十多人圍着飛仔拍照，牠亦表現得甚為興奮。

飛仔的迷彩造型贏得 2011年香港染毛造型大賽冠軍。

一次獲獎換來洗版式惡評

浠婷覺得寵物染毛是另一種美的演繹。

得意的染色造型，雖然可以為寵物及主人帶來短暫的榮譽及注目，但也同時帶來洗版式的指罵。每次出完賽或接受訪問後，浠婷的 blog或 facebook上，惡意的批評就好像洪水猛獸般衝來。「通常鬧我虐畜，話我變態。係唔好受，試過同一時段被人 hack埋電郵、 facebook同 blog，我從來都不會為惡評反駁，咪當看不見或即時刪掉囉！」
浠婷坦言不會因這些惡評而放棄染色造型，因為她之前的狗仔便因為染色造型改善了情緒病，甚至改變了牠的命運。「我收養過一隻被遺棄的玩具貴婦狗──拖肥，由於被遺棄，所以很沒信心，又唔信任人，成日唔願郁，整日只伏在樓梯上，做觀察者，好抑鬱。後來我跟牠嘗試局部染毛，只染四隻腳仔，很多人見到後，走過去讚牠，逗牠玩。自那次後，牠便開始走出樓梯，牠亦變得比以前開心。」浠婷更曾帶拖肥到雜誌社拍攝，拖肥感到愈來愈受重視，變得愈來愈開心，去年更找到好人家，成為那家人的寵兒。
「其實染毛造型只是一種美容 style，我自己都唔會同飛仔染足 365日，只是遇上特別節日或參加比賽才染，讓看見牠的人開心，也同時令牠感受到有更多人愛錫。」

全白色狗仔才可染

•由於不能漂染，所以全白色的寵物才可以染毛，毛色較深，如黑色、啡色很難上色。
•染毛造型只適合狗仔，任何狗種都可以；貓仔因皮膚體質較敏感，不宜染色。
•染色可以維持兩至三個月，待新毛長出後，顏色需靠修剪而褪去，所以要視乎毛髮的長短。
•坊間的染毛產品參差，可選擇不含亞摩尼亞及酸鹼度溫和的染毛產品，減少傷害。
•染毛程序需要多人協助，頗花工夫及時間，所以最好找專業寵物美容師處理。
•寵物染毛的顏色約有 7至 8種主色，然後再分深淺度，黃、紅、橙及綠較易上色，紫色最難。
•染毛收費可分局部及全身，局部染毛以寵物部位作分野，共分 4部分，包括頭、尾、前兩腿及後兩腿；單一部位染一種顏色，約$180，若全身染毛（包括 3-4種顏色），收費約$800起。

變身前
狗狗名稱：飛仔
年齡： 4歲
• 2011星級寵物染毛造型大賽獲最傑出技巧獎
• 2012星級寵物染毛造型大賽獲優異獎

浠婷指染毛初期會令狗狗毛質變粗糙，不過待長出新毛後，就可以回復順滑，時間約需 3個月至半年。好多人都以為染毛時，狗狗動彈不得，浠婷說只要牠們信任美容師，就會好好配合，亦可以走動。