百多呎的酒窖，收藏千四支從世界各地搜購的佳釀。為方便搜尋，每個櫃幾乎加上白色牌，以原產地分類。另外酒窖的溫度要保持 13度，因此冷氣長期開着。「支酒攞出嚟後，攤到 19度。入口最 perfect。」
星悅居
藏寶屋 陳細潔
陳細潔藏寶屋
踏進大宅，長走廊兩旁擺放名畫、古董，屋內散發古典味道。陳細潔閒時周遊列國搜羅心頭好，家中收藏不少寶物。講到至愛，當然離不開升值潛力高的紅酒及地氈，她說：「兩樣都算保值，不過我係飲家，唔鍾意賣酒，就算價錢幾高，都係自己飲，飲到靚酒就開心！而古董地氈，如果保養得宜，回報率都好高，但我暫時未捨得賣 啲心頭好俾人。」
眾多美酒之中， 1988年 Domanie de la Romanee-Conti（左）與 1983年的 Chau Lafteur，最令陳細潔神魂顛倒。前者是產自布根地的世界酒王，後者來自法國。好適合女性飲用。
門後放有鮮紅色紙帽，是誤打誤撞的風水擺設。「有次去完 party，就順手放頂帽 喺度，點知之後風水師傅睇到，話個位係要有紅色嘢擋一擋最好。」
打開大門，經過二十呎長的走廊才正式入屋，走廊兩旁擺放古董、名畫，恍如置身博物館。
擺放在走廊的古董女神擺設，由友人送贈，陳細潔貪其散發女性韻味。
千支珍藏
品酒並非男士專利，陳細潔出名愛酒。為了隨時品嚐美酒，她索性將套房改建成恆溫紅酒窖，確保紅酒保持優質狀態。「之前搬屋最大原因係想有個酒窖，酒櫃始終唔方便，想拎後面 嘅酒，又要郁到前排 啲酒。其實酒係唔應該成日郁，要有睡眠先會長壽。」百多呎的酒窖，收藏千四支從世界各地搜購的佳釀，更根據原產地分門別類排列。「木牌主要方便自己，記住咩酒放邊，就算日子耐、酒多咗，都唔驚搵唔到。」
珍藏當中，有不斷升價的世界酒王—— 1988年 Domanie de la Romanee-Conti，由 6年前 4萬蚊一支升到近年 8萬。而 1983年法國 Chau Lafteur，亦是她一生最愛。「呢支酒我未曾放低過，一心情差，就即刻要開一支安慰自己，咁就開心番。佢花香濃郁、易入口，好適宜女性飲，飲飲下就好想作詩。」美酒可紓緩壓力，而家中古董亦為她帶來視覺享受。
客廳另一邊是由套房改建而成的電視廳，旁邊設有小型酒吧，方便與三五知己嗒番兩杯。
陳細潔也收藏不少干邑，放在酒吧櫃上突顯氣勢，當中更有她親自調製的干邑，要存放十年才可品嚐。
電視廳和酒吧中間以拱形牆分界，牆身則以人手繪畫圖案，獨一無二。「我專登搵人畫上去，有不規則 嘅感覺。」
陳細潔屬多個酒莊會員，當中包括法國波爾多會（ Commanderie de Bordeaux）。「如果佢 哋舉辦 dinner，就要帶住佢個牌去，代表自己係會員先有資格食飯。」
平面圖
百萬地氈
鍾情古董的陳細潔，珍品放滿家中不同角落，價值不菲，當中包括譽滿全球的波斯地氈。自從她多年前於拍賣會中投得第一幅珍藏地氈，從此上癮，至今儲下十多張。「波斯地氈每張都係人手織、手工精緻，張張都係獨一無二。你會睇到歷史，知道織 嗰陣嘅環境係點。最靚 嘅多數來自伊朗， Isfahan地區出品最可靠，絲質就更加矜貴。」地氈圖案獨特、色彩艷麗，除了夠矜貴，也為家居帶來新鮮感，難怪陳細潔每隔幾個月就轉款。「客廳 嗰張係澳洲搵返 嚟，好難得搵到咁 fit個廳。我屋企唔可以無地氈，唔係 啲聲就會好硬、好嘈。地氈又可以將間屋 嘅 design帶出 嚟，得閒轉下款，好似轉咗少少裝修，又 warm又有新鮮感。」
大廳瑰麗堂皇，酒窖酒香撲鼻，不過最私密的睡房才是真正令陳細潔留戀的地方。「人最多時間係睡眠狀態，睡房嘅要求唔可以小，不過唔係咁方便俾大家參觀喇！」
客廳沿用舊居的英式梳化，背後襯以百多年歷史的清朝古木雕花屏風，古典味濃。「屏風係拍賣競投 嘅古董，起初溶溶爛爛，要翻新先用得。」
三層高的複式香閨，以兩條樓梯連接，一層飯廳、一層客廳加酒窖，一層睡房，認真誇張。
客廳旁邊設有近百呎偏廳，偏廳上同樣鋪上波斯地氈，記者望向飯廳，感覺開揚舒服。陳細潔家中更收藏十多幅的波斯地氈（小圖），花費過百萬。「地氈令間屋好 warm，得閒轉下款，好似轉咗少少裝修，有新鮮感。」
陳細潔對中國畫家情有獨鍾，由客廳上三樓睡房的樓梯位置，掛滿多幅名畫家胡永凱的作品。「我覺得中國畫家好有深度、畫功細緻，水準好高。」
這批胡永凱作品中，大部分都是以女性做主題，其中一幅更是裸女像。「佢筆下嘅女性好優雅！」
飯廳設有八人餐 枱，方便招呼朋友開酒會。旁邊設有長形魚池，為家居添生氣。「之前間屋都有魚池，見佢 哋游來游去好開心。」
池內的八條金魚，每月都有專人上門打理，為金魚做身體檢查。這個金魚池屬招財風水陣，難怪她咁緊張。
收藏多年的古董電話，陳細潔竟然一直沿用至今。「屋企每樣傢俬都係自己周圍搵，呢個電話好多年前喺中環買嘅，到依家都仲用得。」
屋苑維修外牆期間，多戶被賊人爬棚架入屋爆竊。陳細潔因此加裝防盜及閉路電視。「有時唔喺屋企都可以用手機睇下，安心 啲！」
留言列表
{{ article.title }}
