56歲貴氣
今年 56歲的謝玲玲，依然風韻猶存，形象高貴，臉上皺紋冇乜。
上流滙
熟女保養大全
扮靚是女人的終身事業，為了保養靚肌正身材，名媛、名模出盡計仔。有棄用機器減肥、密做運動抗衰老，亦有日食一餐的奇招。睇下邊招啱你啦！
謝玲玲
運動 keep身材
專人教 Pilates
「一星期有兩日搵專人上門教 Pilates（普拉提——集合瑜伽、武術等的健身操），維持 咗 6年，令皮膚更 firm。」
一周跳舞兩次
「我從來唔做機，要做運動先有真正效用。我一星期會跳兩日舞。拉筋亦好緊要，有時 喺屋企睇新聞，都會順便拉吓筋。」
朝早清水洗面
「以前有長輩教落，朝早用清水洗面就得，可以令皮膚補濕。因為前一晚已經洗乾淨，再用洗面產品就會好乾。」
20歲嫩口台灣人謝玲玲童星出身，攞過金馬獎「最佳童星」。 1976年，只有 20歲的她已擔正功夫片《虎鶴雙形》。
24歲淑女
謝玲玲 24歲就嫁俾林建岳，正式上岸。二人直至 1995年離婚。《蘋果日報》圖片
葉梁美蘭
45歲似 𡃁模
曾揚言淡出 ball場的葉梁美蘭，最近頻頻戴大眼仔兼騷胸現身，遠睇似人工化的 𡃁模。
一日一餐
黃昏食一餐
「我一日只會食一餐。 喺 4至 7點期間，食任何嘢都得，維持 咗好幾年，當然都會食維他命丸來補充身體。」
滑水修身
「除 咗每日做 Pilates，每星期都會去滑水。我鍾意有速度感嘅活動，連我個女都讚『潮』。」 
28歲少奶奶
葉梁美蘭 1995年生女，產後不停做瑜伽（右圖）修身。冇錯，身形絕對 keep到，但五官着實有變化。
《壹週刊》圖片
周汶錡
38歲夠騷
一味要膠
膠質湯水
「護膚係要內外兼備，飲多 啲含骨膠原 嘅湯水，會令皮膚更靚。唔一定要用燕窩咁貴，普通雪耳、雞腳、螺頭，功效都好好。」
飲去濕茶
「一到夏天，可能會飲好多凍嘢，會積聚水分，一星期會飲一次冬瓜去濕茶去腫。」
半小時瑜伽排汗
「我鍾意靜態 啲 嘅運動，瑜伽就最適合。我一個禮拜做兩次，每次半個鐘，就已經出好多汗。」 
20歲青春
自稱冇加工的周汶錡， 20歲時已幫雜誌影相，面闊兼 baby fat。 18年後的她將為人妻，騷味夠之餘，輪廓亦深埋，好嘢！《壹本便利》圖片
周汶錡和法籍男友 Julien月底到康城拉埋天窗。
周汶錡 keep fit之道是做高溫瑜伽，一做便做十年。《壹週刊》圖片
馬詩慧
自制力強
瞓足 8個鐘
「保養最基本係夠 瞓，起碼要 8個鐘，新陳代謝好就唔會肥。我覺得自己身形仲可以改進 嘅。」
戒甜、炸食物
「我唔做運動，我覺得亞洲人基因關係，只要正常飲食已經 OK，唔使好似外國人咁嚴格 keep fit，最緊要戒甜同煎炸嘢食。」
46歲堅挺
34歲惹火
育有兩女一子的馬詩慧， 12年前影過透股相。事隔多年，馬身材依然 fit爆。
榮雪梅
平價湯水
滋潤湯當水飲
「每日都會飲杞子、桂圓煲雪耳，呢類湯水好簡單，但能令皮膚細滑，面色都紅潤埋。」
每日兩小時瑜伽
「我到 咗呢個 age，要 enjoy food、 drink，所以我每日都會做兩個鐘瑜伽。可以 keep到依家咁，已經好開心。」
每周行山三次
「 Exercise對我 嚟講好緊要，天氣好 嘅時候，我會同老公 喺屋企附近行山。」
42歲幸福
榮雪梅七年前曾為本刊拍三點式，全身零脂肪。時至今日，榮肌膚冇變，但體形就較圓潤。
35歲火辣
留言列表
{{ article.title }}
