當年只得 26歲嘅盈盈經常獲派飾演壞女人角色,奠定狐狸精地位。《忽周》當時仲搵佢影過一輯性感相, 11年後睇番,媽咪姐都依然感受到嗰股「妖」氣。
當年今周
湯盈盈狐狸精從良
湯盈盈同錢嘉樂拍拖 5年,終於奉子成婚,真係恭喜晒。點知轉個頭,竟然傳出《巴不得媽媽》嘅岑麗香,以黐車坐為名藉機向錢嘉樂獻媚,搞到盈盈都忍唔住講咗句:會叫線眼 𥄫實!
檔案編號:第 320期
日期: 15/9/2001
2001年《封神榜》高開 37點收視。湯盈盈勾引元華嘅情節更令一眾師奶咬牙切齒。
雖然盈盈講過演壞女人易上位,但真正上位要數 2005年《阿旺新傳》「李笑好」一角,佢更憑角色奪得「最佳女配角」獎。
有指錢嘉樂拍攝《巴不得媽媽》時,獲上位中嘅華姐岑麗香獻媚。除咗黐車坐,仲日日撩食飯,相當主動。
正所謂「江山代有才人出」,真狐狸精又好,假狐狸精又好,一樣引起坊間好多 noise。就以盈盈為例吖,由 1995年出道就經常飾演壞女人, 2001年更憑《封神榜》勾引人夫嘅妖精角色,獲街坊選為「至索狐狸精」。事後佢接受《忽周》訪問,好自豪咁話:「唔做壞女人點上位?」嗱嗱嗱,當年嘅佢都識咁講,唔排除今日嘅岑麗香都係咁諗㗎。正所謂防患於未然,男人是需要管的。由今日開始,媽咪姐決定全天候 𥄫實錢嘉樂。盈盈,你就放心安胎!
留言列表