9月 11日返港擰歪面出閘
阿滕和 Matthew由奧克蘭返港，雖然抵達機場已是晚上，但阿滕依然戴住黑超，一見鏡頭更即刻擰歪面，十分鬼祟。當時 Matthew亦附和女友，作狀唔望鏡。
滾熱辣
機場直擊 男友新西蘭求婚成功 36歲滕麗名明年嫁
情場上撞板多次，依然屢敗屢戰的滕麗名（阿滕），半年前以小三身份踢走正印，與圈外男友朱建崑（ Matthew）拍拖。
正式坐正，阿滕絲毫冇鬆懈，全情投入戀愛，連無綫合約都費事傾。努力有回報，阿滕和 Matthew上月底飛去新西蘭的奧克蘭（ Auckland）預支蜜月，滑雪觀光之餘，據知 Matthew更順道求婚。 36歲、已屆適婚生仔之齡的阿滕，當然飯應，落實出年嫁。
阿滕由情場輸家晉身為人妻，相反當年為強國嬌妻而拋棄阿滕的魏駿傑，近日就自爆冇嘢撈要食老本。周一（ 10日），記者向魏提起舊愛結婚時，他叉住 38吋肥腩說：「我唔想再講呢個人！」
所以話，感情向來是持久戰，未到終站也難以分勝負。阿滕今鋪贏晒。
新西蘭預支蜜月 滕麗名孖圈外男友風騷上機
向來避談感情事的滕麗名，早前一反常態向傳媒晒幸福，她說：「同佢（ Matthew）拍拖都有一段日子，今次認咗拍拖已經好乖，希望大家唔好再問我感情事。」
助手擋駕
由於行李眾多，阿滕一早叫定助手接機。助手幫手推行李車，更攝在二人中間，而阿滕則躲在助手身後，與男友分開行。
男友大讚
阿滕一馬當先，而男友 Matthew就一邊推住滑雪板，一邊接受記者訪問，大讚女友人品性格樣樣好。
撇低男友
沒有被訪經驗的 Matthew單拖應付記者，阿滕就一於少理，一早上定七人車。二人之後齊齊返回男方紅磡寓所。
8月 31日離港 阿四上身
阿滕一直用小女人攻勢冧掂男友。出發往新西蘭當日，男友搞登機手續，她則做阿四推行李。
笑住任影
不久阿滕醒目地發現記者，更刻意上前停低笑住任影，讓男友先入閘。
微博晒幸福
唔提感情的阿滕，終按捺不住晒幸福，本月 4日在微博發放一張她身處 Cardrona雪山滑雪的相片。
我終於等到喇！（設計對白）
雪山 resort求婚
今年 4月，阿滕和 Matthew被本刊拍得孖住出海，當時阿滕更單手抱起友人的小孩。由此可見阿滕也鍾意細路，生仔！啱 timing。
忽然高調，皆因阿滕坐定粒六，認定於 Canon（佳能）從事行銷工作的 Matthew是真命天子。二人拍拖年半，縱然中途爆出 Matthew瞞住阿滕收埋正印，但 Matthew最終都被阿滕的小女人攻勢降服。事過境遷，阿滕和 Matthew 8月 31日索性飛去奧克蘭（ Auckland）展開為期 12日的滑雪之旅。當日二人孖住現身香港機場，記者發現有愛情滋潤的阿滕當堂回春，辦理登機時不禁跳跳紮。之後她發現記者時，不自覺地和男方保持距離，但對鏡頭笑晒，十分風騷。一名 Matthew的好友說：「 Matthew為咗呢次行程，預早三個月同公司請定假，編排好行程。佢仲自爆阿滕想過一個有雪落嘅冬天好耐，今次帶佢睇雪外，只要時機一到就會向阿滕求婚。」
二人搭了 12個鐘機飛抵奧克蘭後，先在奧克蘭都會區逗留幾天，享受異國美食，再登上 Cardrona雪山滑雪，並入住山上的 resort。 Matthew就趁住皚皚的浪漫雪景向阿滕求婚。恨嫁阿滕當然應承，不過就和男友協議婚事要明年至搞，並低調處理。
Matthew：同佢好開心
12日浪漫旅程眨眼完結，本周二（ 11日）晚，阿滕與 Matthew齊齊推住一車行李返港。刻意拉低頂帽、戴黑超的阿滕一見記者鏡頭即擰歪面。對於記者任何問題，她一概封嘴。相反並非圈中人的 Matthew卻十分大方，記者問他和阿滕發展如何？他說：「我哋進展良好，喺埋一齊好開心。（鍾意阿滕咩？）我鍾意佢性格好爽朗，人又好。」記者再問二人是否見過雙方家長，此時 Matthew偷 𥄫阿滕，然後說：「都見過喇！（求咗婚？）哎吔！未呀，我哋都唔係開始咗好耐，總之大家感情穩定。」此時阿滕已經極速上車，留低男友搬行李。
雖然阿滕唔講，男友唔認求婚，但其實阿滕一早疊埋心水等嫁，年中約滿無綫後便未有續約。知情人士說：「無綫花旦荒，阿滕又係好戲之人，樂易玲當然想留佢。不過已經叫咗佢幾次返公司傾約，佢一直話想唞吓，都冇佢辦法，公司都估緊佢係咪結婚。」記者亦就此事搵過樂易玲，但截稿前仍未回覆。
魏駿傑、太太張利華和女兒一家三口，現時住在西貢村屋的其中一層（下圖）。由於魏冇嘢撈，故經常拖老婆在西貢市中心出沒。（上圖）
魏駿傑：唔想再講呢個人！
周一（ 10日），魏駿傑於西貢寓所外現身，年屆 44歲的他中年發福，身懷巨腩兼樣子勁殘。對於舊愛結婚，他堅決唔祝福。
魏駿傑拒祝福
這邊廂阿滕搵到好歸宿，那邊廂曾與阿滕癡纏九年，由愛人變仇人的魏駿傑，近日就向雜誌自爆冇工開，要靠積蓄度日，生活落泊。早前他更被拍得當街俾嫩妻張利華鬧，與阿滕的幸福相比，的確一個天一個地。
周一（ 10日），記者到魏駿傑住的西貢村屋找他，他一發現鏡頭便大聲說：「你哋唔好影相呀！」之後記者向他提起阿滕結婚，叫他透過本刊送上祝福時，他立即不耐煩說：「我唔講，我唔講，總之我唔講。我想平靜吓，總之我唔想再講呢個人。」當初魏駿傑飛人在先，如今眼見人家嫁杏有期，竟然小器拒祝福。阿滕今次真係塞翁失馬，焉知非福。
除了魏駿傑，阿滕和郭政鴻亦曾經糾纏不清，二人 08年因拍攝《桌球天王》撻着（左圖），但郭原來已和一名國產女子育有一女（右圖），阿滕最終退出。記者就阿滕結婚一事多次致電郭政鴻，但未獲回覆。
戀人變仇人
滕麗名與魏駿傑拍拖 9年，分手收場。不足兩個月，男方搭上重慶嫩口張利華，更火速結婚生仔。多年來，滕魏二人各行各路，不過近年又突然在微博互片。今次女方終於有 着落，男方唔願祝福，擺明反轉豬肚。
熱戀期
分裂期
07年，二人突然宣布分手，更強調因性格不合所致。不過事隔數月，魏即與細他廿年的內地學生妹張利華火速撻 着，更在 blog上晒幸福，「現在我很開心，有喜歡的人，很幸福。」失戀的阿滕暴瘦十磅。
互插期
留言列表
{{ article.title }}
