過去嘅嘢由得佢。(真實短訊)

滾熱辣

爆阿佘遭躁導演辱罵:你淨係識帶塊嘢返工

2012年09月14日 ~~ 第894期 忽然1周

無 綫躁狂導演張永豪( Gary),十多年前當 PA(助導)時,因與戲劇總監曾勵珍屬親戚關係,在無 綫戲劇科有恃無恐橫行多年。最近有工作人員睇唔過眼,將他虐待「神獸天使」劉蔚萱( Jenny)的片段放上網,踢爆他的惡行。
其實早在 98年,佘詩曼拍攝《生命有 Take 2》時,因為遲到 18分鐘及 NG,令當時只係 PA的 Gary不耐煩,辱罵她「你淨係識帶『塊嘢』返工!」另外欣宜及陳茵媺拍《畢打自己人》時, Gary因為 roll唔切機,忟憎鬧喊兩人。 Gary惡行多不勝數,但因有珍姐力撐,依然冇有怕!


短訊回應
阿佘透過短訊回應被辱罵的傳聞。

97年,剛剛奪過港姐季軍的佘詩曼,還未卸任已經開始拍劇生涯。當時還是雞仔聲的阿佘,在拍攝《生命有 Take 2》時,少不免頻頻 NG,因此觸怒躁狂導演。
曾目擊當年阿佘被粗暴辱 駡的工作人員爆料︰「當日劇組突然改早咗 15分鐘通告,要求阿佘早上 8時 45分到達現場,阿佘遲到 18分鐘,即被 Gary鬧爆。阿佘走上 crew(攝製組)車換衫時, Gary依然咬住佢唔放,追住佢鬧。其實當日阿佘拍攝嘅對白只有一句『知道了,媽!』,唔帶劇本都冇所謂,但 Gary竟然因為佢冇帶劇本,將手上 嘅劇本掟落佢度,爆粗鬧︰『劇本你都唔帶,淨係識帶『塊嘢』返工!』阿佘眾目睽睽下被鬧,即時標晒眼淚衝上車。」發生此事後,阿佘向高層投訴,要求「以後拍劇唔想見到呢個人」。

夫憑妻貴入無 綫


躁狂導演張永豪( Gary),年約四十多歲。張妻乃曾勵珍疏堂親戚,曾在亞視任 PA,現職地產經紀。
Gary曾於亞視任 PA,被亞視炒魷後,因太太的穿針引線下入無 綫任 PA。
00年 Gary曾北上內地搵人仔, 03年再入無 綫當 PA, 08年升做導演後,珍姐打骰的處境劇, Gary必定有份,如《畢打自己人》、《天天天晴》等。


《蘋果日報》圖片


個個人都有脾氣!(真實對白)

弱女被虐經過


周一( 10日)爆出 Gary拍《心路 GPS》時,借故辱打「神獸天使」劉蔚萱的片段,一介弱女被粗暴對待,惹人關注。


劉蔚萱準備拍笠頭戲時, Gary忽然衝前用膠袋笠住女方個頭,再將她的頭大力撞埋牆。


劉蔚萱
劉扯甩膠袋後,倒地嚎哭,旁邊的演員見狀即上前安慰!

阿佘寸質素差


周三( 12日)本刊向有份拍《生命有 Take 2》的黃日華求證阿佘被辱罵一事。華哥直認有呢件事,仲話:「經過咁多年佢依然係咁,我都覺得奇怪!」

就此事,阿佘以訊息回覆本刊,默認當年被 Gary侮辱。「過去 嘅 嘢由得佢過去,對於質素咁差 嘅人,我唔想作任何回應!」阿佘被 Gary當眾辱罵,唔少人亦有聽聞,連李司棋亦指聽過此事。
除了阿佘外,欣宜與陳茵媺亦曾遭殃,被躁狂導演鬧喊︰「 Gary係《畢打自己人》導演,有一場戲講肥妹(欣宜)同 Aimee(陳茵媺)一齊喊,點知 Gary 着唔切機(錄影機),即刻癲 咗咁喝令佢 哋『唔 X好郁』,接住梗係爆粗鬧。拍完呢場戲後, Gary可能知衰,都有同佢 哋 say sorry。」知情者說。
就此事本刊向欣宜求證,她十分尷尬,口窒窒地回應︰「脾氣個個人都有,我之前有同佢合作過,我同 Aimee(陳茵媺)未試過……俾佢用粗口鬧, 嗰場戲我 哋要喊,導演想鼓勵我 哋……唔知呢!佢一定有自己原因, roll唔 roll得切機我就唔知 嘞!」
其實台前幕後都好怕與 Gary合作,有不願意開名的演員爆料︰「佢最鍾意 X新人,你行快一步又 X,行慢一步又 X。不過 Gary好識做,對住祥仔(黎耀祥)呢 啲資深演員會客氣好多。有好多 PA都受過佢唔少苦, XYZ就一定走唔甩。佢試過 喺 office將個膠紙座掟向個 PA度,最激 嗰次 喺廠試過將把道具刀飛向 PA度,搞到人 哋流晒血……」

導演張永豪狂躁惡行
惡行 1:搞喊阿佘




98年拍《生命有 Take 2》時,張永豪拍外景時當街用粗口鬧阿佘,搞到阿佘人前喊爆。

惡行 2:糟質欣宜




08年,欣宜及陳茵媺以新人身份拍《畢打自己人》,兩人有一幕喊戲,喊到一半時,兩人被張永豪叫停,原來張永豪 roll唔切機,仲對佢哋發惡。拍完《畢打自己人》,兩人接受訪問時,欣宜憶起當日的拍劇辛酸,即忍唔住眼濕濕。

惡行 3:先撩者賤


張永豪拍《畢打自己人》時,對港男趙國東粗口辱罵,趙按捺不住,用手叉張條頸,要他停口。


趙國東



惡行 4:撼助導埋車




張永豪脾氣一向唔好,升 咗做導演之後,個個都怕 咗佢。佢試過出外景時,因為一時氣憤,就捉住助導個頭「車」埋去服裝車。個助導雖然醒目,不過塊面都損 咗。

對住阿姐收火




張永豪睇人嚟恰。 8月 2日,《心路 GPS》拍外景,張永豪對住陳秀珠同李司棋,態度未見躁爆,但兩位阿姐同佢冇乜交流,仲皺晒眉。

網上爆惡行


近日過檔城電的前 TVB藝員彭國樑在 facebook鬧爆張永豪曾經屈過一名 PA。他向本刊表示:「拍《畢打》時,仲係 PA嘅佢唔記得俾通告我,但就喺導演面前打電話叫我返工,令導演以為我失場。後來聽其他同事講,至知佢成日出呢招!」


《真相》
彭國樑



老婆係珍姐親戚


被虐片出街後,周一( 10日)曾勵珍(右)帶埋監製李艷芳出席記招,力撐 Gary只是教戲,又指網上片段是斷章取義。

近日「神獸天使」劉蔚萱慘被施虐的事件曝光後,曾勵珍與《心路 GPS》監製李艷芳召開記者會。記者會上珍姐否認同張永豪係親戚,更力撐話︰「網上條片係斷章取義,我有睇番前後 啲片,大家係有講有笑,導演只係教新人演戲……」實行家醜不外傳。
據知 Gary與曾勵珍雖然並非直系親戚,不過他的老婆與珍姐是疏堂親戚,夫憑妻貴。十多年前 Gary被亞視炒魷魚,即過檔無 綫被重用。
當日劉蔚萱被 Gary用載過田雞的膠袋笠頭並推埋牆一幕,珍姐口口聲聲話導演係教新人做戲,其實當日的劇本根本就沒有這一幕,「係 Gary臨時加呢場戲, Jenny(劉蔚萱) NG咗好多次都唔達 Gary要求, Gary咪又發作將個膠袋笠住 Jenny個頭,仲推佢埋牆大叫『八婆』,嚇到 Jenny喊晒。 Gary仲寸爆話『喊就 啱喇!』」知情人說。

劉蔚萱被照肺


慘被施虐的劉蔚萱,更被指為放料者。高層召見她時,第一句就問:「條片係咪你拍?」呼寃的劉蔚萱一連幾日都以淚洗面。周一( 10日)晚,有人目睹她喊住口去搵樂易玲。劉蔚萱俾人虐打完仲要照肺,可謂黑過墨斗,而惡行滔天的躁狂導演,反而變成受保護動物,唔怪得之佢咁放肆!

娛圈鬧爆


對於張永豪的出位「教戲」行為,娛圈中人都議論紛紛,更直指張永豪不是。

杜汶澤:佢 short short哋


阿澤大鬧 Gary,更講明叫佢唔好搞阿田。





蔡少芬:不知所謂


蔡少芬在微博力撐,指要正視此事。





蒙嘉慧:大家都有尊嚴




蒙嘉慧被傳亦曾遭張永豪辱罵,她回應張永豪事件話:「今日睇條片時都 O嘴。情緒要控制,大家都有尊嚴嘅。」

黃秋生:教戲唔係咁教




影帝秋生亦不值張永豪所為:「教戲唔係咁教,唔知佢邊度學番嚟!唔通拍火燒戲,演員演得唔夠真,你就搵把火燒佢咩?」

楊潮凱:要憐香惜玉




同場目擊事件 嘅楊潮凱,就話:「導演同劉蔚萱試笠頭戲,收唔切啲力,語氣又重啲,希望導演對佢可以憐香惜玉啲。」

撰文:娛樂組
攝影:攝影組
插圖: Wendy

arrow
arrow
    全站熱搜

    tvb4life 發表在 痞客邦 留言(0) 人氣()