插圖: Wendy

揞名爆

「好勤力」敢拜唔敢認

2012年09月07日 ~~ 第893期 忽然1周

今年娛樂圈真係有好鬼多龍 B!個個都努力生呀生。好似人人都識嘅「好勤力」咁,係人都知佢近年極想有小朋友,但老婆個肚遲遲未有聲氣,好在今年卒之等到!生咗個健康 BB出嚟,到「好勤力」全家都笑唔停。

不過咁,有二五就爆料話喺阿 B滿月之後,「好勤力」竟然揼低佢喺屋企,帶埋老婆飛走咗……幾日咁多啦!去邊呢?大家真係估十次都估唔到,就係尼泊爾嘞!平日聽親「好勤力」出埠,唔係去做嘢就係同佢老婆去探親吖,而呢次佢攜眷去尼泊爾嘅目的,係為咗拜見嗰邊嘅宗教大師。係呀,原來「好勤力」信咗嗰邊一個大師幾耐吓,希望借宗教嘅力量,令佢早日達成生 B嘅心願。咁依家佢真係得咗!自然要返去捐獻還神,再求多個啦。之不過,呢位大人物又唔想俾人知佢信教求 B喎,所以成件事都要好秘密咁進行,搞到啱啱坐完月嘅老婆都唔可以舒舒服服出埠。唉,其實有咩要隱瞞呢?又唔係殺人放火,「好勤力」你會唔會諗多咗呀?

arrow
arrow
    全站熱搜

    tvb4life 發表在 痞客邦 留言(0) 人氣()