史上最
無 綫原本搞一人一票選舉,令今屆港姐多了捧場客,可惜因 server失靈令賽果「維持原判」,三甲由現場評判選出,成為選美史上最笑話。

滾熱辣

爆普選港姐爛尾內幕 無綫為慳 30萬冧機

2012年08月31日 ~~ 第892期 忽然1周

今屆港姐 40周年,無 綫為搞綽頭,破天荒以「一人一票」普選港姐 Server(侍服器),投票者更有機抽中價值 48萬的 Mini Cooper,贏盡收視口碑。點知最後宣布 冧機,改由「小眾」評判團選出三甲,全城鬧爆假民主假普選,就連日本雅虎都以日文轉載今次事件。
本刊收到消息,今次普選爛尾始作俑者是港姐大會統籌余詠珊,她最初力排眾議堅持一人一票,卻為慳 30萬額外經費,拒絕微軟公司提出事前做的壓力測試,結果令港姐普選爛尾收場。

互動片段

湯洛雯曾明俐冇獎攞強顏歡笑



今屆港姐收視平均 27點,比去年高出 3點,可惜收視高並非節目精采,而是之前講好的「一人一票」普選,因最後關頭 down server而無法實行。三甲人選臨時改由現場評判選出,遭全城插爆之餘,亦令冠軍張名雅、亞軍黃心穎和季軍朱千雪的名次遭到網友質疑。

無奈接受


普選冠軍朱千雪:依家補救唔到!

因為 冧機關係,民選冠軍的朱千雪,最後只得季軍。全城網友為她不值,而她則表示賽果已定,惟有認命。

季軍冇人理




周二( 28日),一眾得獎佳麗到尖沙嘴領獎,其間就只安排冠軍張名雅和亞軍黃心穎接受電視訪問,季軍朱千雪全程站在側邊冇人理。若果 server冇事,朱肯定成為焦點。

冠軍氣焰高


小圈子冠軍張名雅:我係實至名歸!

小圈子冠軍張名雅,多次強調自己係實至名歸。周二( 28日)她向記者說:「到呢個時候講咩都冇必要,反正我都贏 咗!」冠軍即係冠軍,講句說話都零舍唔同。

余詠珊低估投票率


港姐搞出個大頭佛,截至周二( 28日)無綫及通訊事務管理局合共收到 763宗投訴,榮登史上最港姐選舉。今次企硬要搞普選的港姐大會統籌經理余詠珊,最初提出一人一票選舉時,曾遭到全體高層反對,但她卻一意孤行。「其實由初賽到決賽,無 綫高層開過四次大會,最初 Sandy(余詠珊)話要全民投票時,樂易玲同李寶安(無綫集團總經理)都反對,話咁做太冒險,始終港姐係傳統重頭節目,有咩意外好大鑊。不過 Sandy一句話 Charles(陳國強)岌 咗頭,搵個最大壓落 嚟,梗係冇人敢出聲。」知情者說。
曾誇下海口指今屆港姐是最 揼本的余詠珊,早前透露整個港姐選舉足足花了千四萬,更自稱一人一票在技術上試了多次冇問題。但本刊收到消息,余為慳錢實則連一次事前測試都冇做過。知情者透露:「 Sandy諗住無 綫好多節目都試過投票,以為今次實冇問題。一齊合作搞呢個港姐選舉平台 嘅微軟香港開發平台部,提過要做事前壓力測試,不過 Sandy使大 咗個頭,單係搞普選都使 咗過百萬,唔想額外俾多 30萬出 嚟,咪唔做囉!」無綫(電視廣播)剛公布半年業績,賺 8.5億咁多,如今為慳區區數十萬而換來港姐之恥。
周三( 29日)本刊就此事訪問外事部副總監曾醒明,他回應說:「就我所知,應該冇呢件事。呢次港姐用咗龐大製作費,少少 30萬一定唔會慳。」


辯稱有黑客
港姐選舉後翌日,無 綫業務總經理鄭善強(右二)和余詠珊(右一)聯同微軟代表錢展騰(左二)開記招交代事件。余全程冇發言,而鄭則表示懷疑有黑客入侵,導致 冧機。


高層耍 冧
周一( 27日),無 綫外事部副總監曾醒明,代表無 綫鞠躬向全港市民道歉,但他卻聲稱不會重選。

網友撐雪


朱千雪得到現場不少嘉賓投票,而本刊搜尋了多個不同界別的社交網站,如 facebook、親子王國等,他們各自搞港姐普選,結果佔九成網民都力捧朱千雪摘冠,張名雅? No Way!

冠軍張名雅 46人
亞軍黃心穎 28人
季軍朱千雪 163人
總數: 237人


facebook


親子王國

余:個個掛住部車


今次冧 server,更有人以陰謀論表示,是余詠珊對頭人做手腳,希望藉此挫其銳氣。此外,有通訊系統的專家指,若果想捧某一位候選人當選,只需編寫一個簡單投票程式,就可以透過電腦大量投票,導致系統不勝負荷。
對於自己成為「箭靶」,余詠珊雖然口說道歉,卻暗寸網友為抽名車才如此大反應,她向本刊記者說:「我知你 哋個個為部車,個個都同我講要部車,我自己都想要。(你 哋係咪冇做壓力測試?) 冧 server原因真係要 check,今次個 problem冇得控制,冇得預計。」企圖把責任推得一乾二淨。記者亦曾聯絡微軟香港開發平台部總監錢展騰,惟他透過秘書拒作回應。


凱旋返歸
離開無綫後,黃心穎、張名雅(右)四萬咁口,孖住返沙田名城寓所,原來兩人是同一屋苑的街坊。


返到屋企,張名雅父母及一大堆親友在等她凱旋歸來開香檳慶祝,無綫《東張西望》全程直擊。

獎金差天共地


落寞殘爆
一直被喻為大熱的湯洛雯輸得徹底,出席完大會慶功宴後,她殘爆返回窩打老道嘉多利豪園寓所,面對追訪惟有強顏歡笑。

自從港姐冧 server,不少網站即自發搞普選,結果絕大部分網上普選都由朱千雪以高票數贏出,賽前陳展鵬、唐詩詠甚至樂易玲亦一致睇好她。可惜最後爆冷由張名雅奪得冠軍,令朱千雪白白喪失后冠寶座和價值 480萬獎金獎品,與季軍所得的 30多萬獎金獎品,可謂差天共地。雖然有傳無 綫為安撫她,打算讓她與劉華拍劇,但她亦無奈向記者說:「既然冇得重選,去到呢度亦補救唔到,我惟有接受。」

張名雅黑面


至於冠軍張名雅雖然賽前負面新聞多多,傳過落仔兼專溝有錢仔,但挾住張堅庭外甥孫之名,依然揮低其餘 9位佳麗。記者追問她並非眾望所歸,她即面 燶 燶說:「選 咗大家就要接受,就算一人一票,我都有信心可以攞冠軍。唔係講風涼話,我覺得我攞冠軍係實至名歸。」

烏龍百出


今年港姐搞新意思,結果爆全城,其實當晚一眾司儀及嘉賓都烏龍百出,發生不少笑料。


準備公布賽果一刻,志偉無奈因應 TVB要求,宣布系統出現故障,但阿叻卻爆因為「 down server」,令口才了得的志偉都兜唔到,被全場噓爆。


早前草蜢隨無綫到澳洲拍旅遊特輯,已暴露了三子的英文水平。決賽晚蔡一智傍住日籍魔術師 Mr. Cyril玩魔術,但他卻向對方打招呼說:「 Nice to meeting you!」小學生都唔會講錯啦!


崔建邦要向大會排舞總監 Sunny Wong致謝,但他卻介紹對方為 Sunny Chan,連姓都搞錯。

撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()