打破七年魔咒
鄭伊健對上同邵美琪、梁詠琪拍拖,踏入七年即散,如今輪到蒙嘉慧,卻出人意表有個大團圓結局。雖然冇得生仔,不過即將做伊麵嫂的蒙嘉慧,都算還得神落。

滾熱辣

苦等六年 伊健拒生 蒙嘉慧為嫁妥協

2012年08月31日 ~~ 第892期 忽然1周

45歲鄭伊健自從 06年與蒙嘉慧( YoYo)結伴打羽毛球譜出「蒙麵戀」後,今年踏入「七年之癢」期。曾公開末日結婚論的伊健,周一( 27日)演唱會慶功宴中,終於向蒙嘉慧開出結婚期票,揚言會在下年低調完婚,但時間、地點則堅持保密。
苦等六年,一直恨嫁的蒙嘉慧終於有望入鄭家門,但入門前第一條要守的家規,竟然係唔俾生仔留鄭種,令 39歲蒙嘉慧嫁得唔生得!

一直對婚事唔嗲唔吊的鄭伊健,眼見身邊好友陳光榮和陳小春均已成家立室,終於的起心肝決定結婚。周一( 27日)他在演唱會慶功宴上,親口證實明年結婚,「好快 嘞!不過真係好私人 嘅事,結 咗婚會講俾大家知,唔會係今年,係出年!但我唔講時間地點,係私人事。(有計劃?)唔係一早 plan,要講 feel。」


製造驚喜
對結婚猶如患上驚恐症的鄭伊健,周一( 27日)在尾場演唱會慶功宴,忽然宣布下年結婚,此話一出的確引來全場哄動。


眼泛淚光
原本趕拍無 綫新劇《仁心解碼 II》的蒙嘉慧,有傳不理劇組進度,堅持捧足男友四場,睇演唱會期間更因一時感觸而雙眼通紅。

羨慕有餡盈盈


苦等六年,如今終於嫁得出,蒙嘉慧理應雀躍,不過未入鄭家門,卻先要守第一規條。據知,大細路鄭伊健向來嫌小朋友麻煩,因此結婚條件是決不生仔。他曾斬釘截鐵說:「無必要有下一代!唔係有冇能力問題,唔關經濟問題,係我唔想小朋友面對依家社會壓力同環境。我都希望將來另一半有相同諗法。」
與蒙嘉慧商量結婚時,二人曾因生仔一事有拗撬。「 YoYo好耐之前講過唔鍾意小朋友,但近排見到班姊妹好似湯盈盈同周家蔚都有 咗,佢改變想法,同朋友講自己想生。不過佢同伊健傾,伊健就話今世人一定唔會做老竇。佢講到咁決絕,無非係想 YoYo死心!」


盈盈樂樂效應
同樣係冇腳雀仔的錢嘉樂,尾場拖埋未來老婆湯盈盈到後台搵伊健影合照。有指多得盈盈樂樂推波助瀾,才能動搖伊健「不婚」思想。雖然肯結婚,但伊健講到明唔會效法二人「雙囍臨門」。


狂晒腹肌
45歲鄭伊健,為演唱會狂操六 嚿腹肌,更犀利到單手舉起女 dancer。他在台上亦不忘多次多謝女友鞭策他。

後台嗌求婚


古惑仔圍攻
伊健演唱會每晚都會請當年一班「古惑仔」兄弟撐場,眾兄弟就借機夾手夾腳迫伊健認頭,台下蒙嘉慧認真要同呢班好兄弟講多謝。

伊健今次忽然開金口講婚期,其實是遭好兄弟「圍攻」所致。上周五( 24日),做足四場表演嘉賓的錢嘉樂,每晚都在台上向伊健施壓,直到周一尾場,更號令現場萬多個 fans,逼伊健對女友有個交代。至於從內地返港的陳小春,亦接力爆肚請蒙嘉慧上台,卻遭伊健連番阻止。
台上伊健冇任何表示,演唱會後,蒙嘉慧在後台出現時,一班兄弟再次起哄。知情人透露:「完 咗個騷後, YoYo入 咗後台,當時伊健掛住同 Wilson(錢國偉)吹水,見唔到佢。點知嘉樂仔帶頭起哄,連埋 dancers同阿 Lo(林曉峰)佢 哋,猛嗌『求婚』,見伊健粒聲唔出面 燶 燶,就唔敢再嗌。唔好話 YoYo,我 哋都尷尬到暈!」即使伊健後台甩到身,在慶功宴中,他再被記者圍攻,此時伊健終於證實會與蒙嘉慧拉埋天窗。

結婚為老父


伊健父母年事已高,對於伊健肯成家立室,終可放下心頭石。

除了遭身邊好友車輪轉迫婚外,伊健結婚決定亦因為父親。伊健身邊好友表示,「伊健爸爸就快 80歲,早兩年仲好壯健,朝朝同伯母行晨運。不過年紀大身體多毛病,兩個老人家成日哦伊健,話佢大佬同細妹都結 咗婚,淨係佢未成家立室。」向來侍父母至孝的伊健,望見兩老短短一年間,原本一頭黑髮變成白髮蒼蒼,開始動搖其「不婚主義」。
雖然蒙嘉慧生仔夢唔使諗,不過有得嫁總好過攝灶罅,惟有局啃!

撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()