插圖: Wendy

揞名爆

「矇豬眼」有妄想被跟症

2012年08月24日 ~~ 第891期 忽然1周

前一排「矇豬眼」同傳媒關係搞得好差,仲大大聲話某啲記者針對佢喎! Well,媽咪姐唔係當事人,但作為一個日日撈娛樂新聞嘅師奶仔,就覺得呢位憤怒中年會唔會真係激動咗啲呢?

唉,不過「矇豬眼」躁底喺圈中真係無人唔知,而且佢嘅疑心仲分分鐘重過我哋啲師奶仔㖭!好似有次某記者去咗間地踎茶餐廳坐低,叫咗碗餐蛋麵,啱啱扒咗兩啖,就見到「矇豬眼」同 honey「細細粒」推門入嚟。呢位記者無諗過食碗麵都撞到「星」,但更估唔到嘅係,呢位憤怒中年瞬間就爆火!黑晒面衝去佢張枱前面狂鬧:「你做乜跟我呀?你跟咗我幾耐呀?」嘩!黐線㗎!食碗麵啫,咁都要俾你鬧?記者即刻反寸佢:「喂,阿邊個,依家係我坐低先,仲食緊嘢,你後尾先嚟㗎喎!你會唔會諗多咗呀?」跟住「矇豬眼」先停一停、諗一諗,知道自己呢鋪衰咗,最後好細聲咁講句唔好意思,再爆搵位開餐。其實,都幾十歲人,唔該成熟啲!如果真係「有病」,就記得睇醫生啦。

arrow
arrow
    全站熱搜

    tvb4life 發表在 痞客邦 留言(0) 人氣()