無論朋友點撩佢傾偈,姚子羚都係嘟起個嘴向前望,一係就望住個電話發呆,我係你朋友都冇癮啦!

媽咪姐

姚子羚苦瓜行街

2012年08月24日 ~~ 第891期 忽然1周

成日做苦命家嫂嘅姚子羚,喺《造王者》經常俾老公李國麟糟質,可能做得苦情戲多,就連做緊女人至愛運動——行街 shopping,佢都係一副慘情樣。

前幾日夜晚七點幾,媽咪姐撞到姚子羚同朋友仔喺銅鑼灣時代廣場行街。見佢行足幾條街,塊面都係揦埋一「箸」咁,雖然朋友仔猛撩佢傾偈,不過佢掛住望電話,完全心不在焉。
姚子羚成日話唔想做剩女,又話要學識煲湯箍實啲「筍盤」。唉!男仔邊會鍾意拖住隻苦瓜出街咋,佢同上面嘅沈卓盈都要改吓啦!




直至去到商場睇咖啡機,媽咪姐先見到姚子羚提起興趣。都啱嘅,睇定先,話唔定遇到個好似陳豪咁嘅「咖啡王子」呢!

arrow
arrow
    全站熱搜

    tvb4life 發表在 痞客邦 留言(0) 人氣()