不過,始終碟飯嘅吸引力大過沈卓盈好多,馬明好快就唔出聲,密密食,無人理嘅沈卓盈即刻藐晒嘴。
食食食,前世未食過嘢咩!(設計對白)
我睇你唔到呀,我睇你唔到!(設計對白)

媽咪姐

馬明唔騷沈卓盈

2012年08月24日 ~~ 第891期 忽然1周

自從陳豪戀上陳茵媺,暫時「封盤」,而吳卓羲同黃宗澤又雜食搞到一鑊粥,乖乖仔馬國明即時榮升為 TVB筍盤 2號!多女圍就一定㗎嘞,不過當事人受唔受呢?又係另一回事囉。


呻到樹葉落
沈卓盈一坐低就好多嘢要呻, Toby一於少理,掛住食。馬明都算好同事,應酬咗兩句。

早前啦,媽咪姐去電視城西餐廳嘆個 lunch,就見拍緊《戀愛季節》嘅馬明,一拖已婚嘅 Toby(梁靖琪),再拖單身嘅沈卓盈齊齊開餐。嗰日筍盤 2號好好胃口,叫咗碟黑椒雞扒飯猛咁扒,但化行妝嘅沈卓盈睇嚟心情麻麻,揦口揦面。媽咪姐見出名 nice爆嘅馬明,初頭都有同呢位前港姐傾兩句,但始終扒飯緊要啲!一於低頭密密食,搞到無人理嘅沈卓盈扁晒嘴。嗱,呢次媽咪姐就 buy馬明呀!不嬲「民以食為天」,萬大事都好,食完至講!

arrow
arrow
    全站熱搜

    tvb4life 發表在 痞客邦 留言(0) 人氣()