埋嚟啦,哥哥教你做手部運動!(設計對白)

媽咪姐

黎諾懿暗角冧女

2012年08月24日 ~~ 第891期 忽然1周

近期《愛•回家》同《造王者》有兩線劇出街嘅黎諾懿,忽然人氣急升!上個月仲俾《忽周》踢爆溝掂富家落選港姐李潔瑩,而上埋封面㖭。

其實黎諾懿高大又靚仔,溝女真係同食飯一樣冇難度啦!早幾日媽咪姐見佢返電視城拍《愛.回家》,趁放飯去 canteen食緊件三文治,點知一收到個電話,黎諾懿「嗱嗱聲」飆出去同個女同事傾偈。本來都冇乜特別嘅,但兩人挨喺牆角愈傾愈 happy,拉手又拉腳,漸漸就逼埋暗角,驟眼睇,真係甚有偷情 feel囉。
吖,話時話,近來彈起嘅黎諾懿,自信心大咗,連甫士都 chok起嚟,唔知真係以為佢哋拍緊拖㖭!喂喂喂,又話想同女友仔結婚?咪講一套做一套喎!


初時黎諾懿講嘢講到手舞足蹈,已經冧到前女同事笑晒。後來仲拉埋手㖭,一般人點抵擋得住呀!


嘩,呢個 45度向外傾斜加插袋動作,難度分有 3.5以上喎!黎生應該好快可以追到 chok峯。

arrow
arrow
    全站熱搜

    tvb4life 發表在 痞客邦 留言(0) 人氣()