兼職賺錢
林秀怡為賺錢養家,工餘時會到朋友尖沙嘴開設的日本餐廳當兼職侍應。周日( 12日),本刊記者亦目擊有不少食客對她評頭品足。

娛聞樂

住天水圍公屋 做餐廳侍應 揭《怒火 2》裸女悲慘身世

2012年08月17日 ~~ 第890期 忽然1周

《怒火街頭 2》繼 Law霸穎赤膊晒孖煙囪後,本周一開始,劇情高潮落在新人林秀怡飾演大肚婆體內藏毒「阿 wing」身上。她全裸爬入屋內的劇情出街後,旋即成網民焦點。
藝訓班出身、 21歲的林秀怡,曾在《女人最痛》中增磅廿磅扮肥妹,今次在《怒火 2》亦甘願扮裸女吊在半空,不過搵命搏的代價,月薪不足 7千元。
與母親相依為命的她,原來家住天水圍公屋,為搵多個錢,更要到日本餐廳兼職做樓面。她自言:「只要有戲做就乜都唔介意,我咁辛苦都係想媽咪食好啲住好啲!」




吊足成晚
去年 12月,林秀怡連續兩晚拍攝爬窗戲份。當時她僅以牛皮膠紙黐實上半身,及穿上肉色打底褲,在屋外吊住威吔等拍攝。

繼陳敏之在《怒火街頭》裸跑,帶挈她攞咗去年台慶「最佳女配角」獎。續集輪到新人林秀怡裸吊,該集於周一( 13日)晚播出後,網上掀起不少議論,更有網民言之鑿鑿指她露點。其實該場戲攝於去年 12月,當晚氣溫只得十度左右,與林秀怡同場的賈曉晨( JJ)都話:「我着住長袖衫都凍到騰騰震,但佢真係好俾心機做,拍咗兩晚通宵。佢仲要喺出面企足七個鐘,都戥佢辛苦。」
辛苦得來有回報,林秀怡不止得到網友大讚,連《怒火 2》監製陳維冠都對她讚不絕口:「其實我都搵過幾個演員,講明要親身上陣,得佢(林秀怡)一口應承。佢拍嗰晚我都喺現場,見佢真係好搏,下次再開劇,我都一定預埋佢。」

賣命演出


《怒火街頭 2》中,「裸女」林秀怡在周一( 13日)晚出場。該集平均收視有 32點,相當理想。







網友大讚


林秀怡由屋外爬入屋一幕,相當牙煙,其大膽演出更得到不少網友稱讚。有網友更表示她做得好過 JJ賈曉晨。





疑似露點


該場戲播出後,有不少網友質疑林秀怡是否露點,通訊局更收到五宗投訴。她表示:「嗰個係肚臍嚟㗎!佢哋睇錯咋!」





一日食一餐


林秀怡全裸倒吊乜都制,據知全因要揹住千斤擔在身。知情人透露:「阿怡 8歲嗰陣父母離婚,佢同阿媽住喺天水圍公屋,佢阿媽因為跌傷做唔到嘢,依家成頭家靠晒阿怡㗎。」林秀怡在中五畢業後,曾做過月薪只有二千多元的惠康收銀員。為賺多個錢, 08年決定投考藝員訓練班入無綫。但做足四年,現時月薪連 7千蚊都未有,每月扣除五千蚊家用,林秀怡每月只有 2千蚊使。交通費已佔一半,剩餘一半當然不足以用來買衫及膳食,她惟有一日食一至兩餐慳錢。近日她透過朋友介紹,在尖沙嘴一間日本餐廳兼職做侍應,時薪 40蚊,實行賺得一蚊得一蚊。

活動着穿窿衫


杏兒提攜
林秀怡拍攝《怒火 2》時,首場戲便與視后胡杏兒做對手戲。當時胡杏兒一有時間便教對手做戲,明袋錢入她袋。

林秀怡不止慳住食,還慳住着。周一( 13日)出席《怒火街頭 2》宣傳時,記者發現她着爛衫,她直認不諱:「係呀,爛咗少少咪用針線縫咗佢,好小事啫。」
雖然家境欠佳,但林秀怡窮得來有骨氣。今年初,王維基的城市電訊曾邀請她過檔,不過遭她一口拒絕。她對記者表示:「王維基嗰邊啲 offer係好啲,但講真我係 TVB藝訓班出身,冇諗過去第二度喎。而且 TVB係大台,多劇拍穩陣啲。」據知月前她與無綫加簽了兩年普通藝員合約,繼續捱騾仔。

爛衫宣傳


周一( 13日),林秀怡到深水埗宣傳《怒火 2》,其間記者發現其右邊連身裙的膊頭位置曾縫過線。





落街買餸




宣傳《怒火 2》後,林秀怡獨自到深水埗街市買番茄、瓜菜等。她平日甚少落廚,多數買外賣給母親吃,自己則多數吃水果,慳住食。

趕回公屋




在深水埗買完餸後,林秀怡未有在街上流連,匆匆上了巴士,車程約一小時。她落車後再步行 15分鐘,才回到天水圍的寓所。

中轉公屋




林秀怡居住的公屋,前身是 03年爆發沙士時,醫護人員的臨時宿舍, 04年才由中轉房屋改為公屋。據知她住的單位面積約 300呎,每月租金約 1千元。

常伴你左右


林秀怡 08年參加第 23期藝員訓練班畢業。入行 4年,拍攝過的劇集多達 40套,不過多數是行行企企角色。至近兩年,她才被無綫重用。

10年《依家有喜》




林秀怡剪短頭髮扮男仔頭演出,做秦沛和米雪個女,她說:「呢套劇我算多戲份,亦有幸拍住咁多前輩,教咗我好多嘢。」

11年《點解阿 Sir係阿 Sir》




林秀怡與樂瞳等後生仔女拍群戲。她的戲份不算太多,全劇不足廿句對白。

12年《護花危情》




林秀怡在本年度最高收視劇集《護花危情》中有 6集戲份,她與李綺雯負責做鍾嘉欣的貼身保鑣,對白冇乜。

撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()