大封面
苟芸慧秘住 港男西貢屋
擁有 34Ｃ魔鬼身材、天使面孔的苟芸慧，一出道就成為高登女神，最近她在《怒火街頭 2》做 Law霸鄭嘉穎前妻，被指鄉音唔正虐待觀眾。不過無 綫照力捧，一年拍足 6套劇。
去年苟芸慧承認與年紀細自己 4年的 08年港男冠軍羅天宇拍拖，今年初卻突然宣布分手。本刊發現，苟芸慧原來掟煲唔掟蓋，與羅天宇母親以契母女相稱的她，不時會去契媽位於西貢蠔涌的羅家留宿，仲共用羅家菲傭，新抱仔身份好明顯。
羅天宇亦對本刊承認母親早已當正苟芸慧是新抱，「媽咪好想我 哋一齊，我都成日掛住佢，唔係冇機會復合。」姊弟戀從來都難修成正果，苟芸慧自動送上門，好明顯係行奶奶政策。
苟芸慧大羅天宇 4年，女方身材出眾樣子成熟，男方天生 baby face，外形上並非 100%合襯。但兩人同在外國留學，鬼妹鬼仔性格一拍即合。
芸慧 09年參加中華小姐選舉奪冠後簽約無 綫，翌年即與同聲同氣的 08年港男冠軍羅天宇一撻即 着。因為苟芸慧在港舉目無親，所有親友都在加拿大，多年來羅母對她非常照顧，兩人更以契母女相稱。拍拖初期為掩飾戀情，苟芸慧向外表示羅天宇是契細佬，其後被斷正親密約會，迫於無奈公開戀情。
無 綫打壓姊弟戀
早已有心力捧苟芸慧的無 綫，對她公開戀情甚為不滿。知情者透露：「無 綫高層對呢段姊弟戀好不滿，話晒苟芸慧起緊，羅天宇都仲係三、四線演員，女尊男卑，所以都有對佢 哋施壓，叫佢 哋唔好咁高調。」至今年 2月，苟芸慧突然自爆與羅天宇已和平分手。
分手後苟芸慧即成為監製搶手貨，除無 綫劇外，就連肥監製錢國偉都對她虎視眈眈，邀她做電影《喜愛夜蒲 2》女主角，不過有指苟芸慧因向肥監製放生電，被對方女友陳苑蔚勒令易角。近日苟芸慧更被封為新一代電視台姣精，有傳去年她拍《怒火 2》時姣錫鄭嘉穎而搭上，又主動電暈蕭正楠及梁烈唯等拍劇對手。
8月 6日 陪羅母帶狗睇醫生
入到寵物診所，苟芸慧與羅母（右）雞啄唔斷，還好雀躍咁𠌥前密斟，明顯關係好好。
羅家養了兩隻小狗，一隻是菲傭（左）手抱的約瑟狗「茶茶」，另一隻是苟芸慧不時逗玩的松鼠狗。
8月 12日 離開羅家屋
周日（ 12日）下午 4時許，苟芸慧步出羅家位於西貢蠔涌的寓所，為掩人耳目，她頭戴 cap帽戴上茶色鏡，記者幾乎認不出她。
苟芸慧離開後不久，才見一早已外出的羅母抱住兩隻愛犬返家。
7月 25日 使羅家菲傭
早於 7月 25日，苟芸慧出席活動後直接返回西貢蠔涌，並與羅家菲傭結伴逛超市（右圖）。之後她去了尖沙嘴整頭髮，晚上再返蠔涌羅家過夜。
羅家前舖後居
羅天宇母親經營的「金喜茶餐廳」位於西貢蠔涌石壆圍。茶餐廳內別有洞天，後面連接過千呎的平房，苟芸慧每次都要穿過茶餐廳才能內進。
金喜茶餐廳內面積約 700呎，只做早、午市。記者曾向女侍應查問苟芸慧經常在哪裏過夜，她說：「我打工 㗎咋！老闆 啲 嘢我唔知。」
連日來都見羅母、羅天宇細佬及苟芸慧在茶餐廳的門口出入。平房上的天台更掛滿晾曬的衣服，可見羅氏一家都在該處生活。
含淚談分手
女神突然變成姣精，這就是走紅後的代價。深受男士歡迎的苟芸慧，雖然不乏選擇，但她其實仍未放得低羅天宇。日前她接受本刊訪問，談到與羅天宇分手，非常感觸說：「係 timing唔 啱……姊弟戀係有少少影響，我大過佢，乜都行先一步，好多 嘢我經歷過，所以凡事都會俾意見佢。但佢會即時築起一道牆，我已經好留意自己 嘅表達方式，但佢覺得我太強。分開都好，兩方面都有時間去成長。（呢段戀情係咪好 hurt？）放 咗咁多感情一定會 hurt。緣份 嘅 嘢點鍾意都冇用，時間唔 啱……」提起分手的點滴，苟芸慧不禁眼泛淚光，言語間她仍對戀情有保留，暗示等對方長大，思想會變成熟。
為了與羅天宇繼續保持密切關係，苟芸慧不惜行奶奶政策。記者發現她不用工作的日子，都會去西貢蠔涌找羅母。 7月 25日下午，苟芸慧出席完《飛虎》的宣傳活動，乘的士前往西貢蠔涌，先會合羅家的菲傭。她與菲傭有講有笑，看似非常稔熟，一齊逛完超級市場，苟芸慧隨即把所有物件都交給對方，再去尖沙嘴髮型屋整頭髮。當晚 9時許離開髮型屋，苟芸慧再返回西貢蠔涌。
羅家蠔涌屋過夜
羅天宇父母早年離婚，他自小跟隨母親生活，連姓都跟埋阿媽。羅母一手一腳湊大羅天宇，又供他去澳洲讀書，兩母子關係非常要好。
《 FACE》圖片
羅母在西貢蠔涌經營金喜茶餐廳及燒烤場，苟芸慧就經常出入前舖後居的茶餐廳。 8月 6日下午，她工作後前往西貢大埔仔一間寵物診所，其時羅母與菲傭已在內。當日羅母帶兩隻小狗去睇獸醫，苟芸慧入內後不時向羅母查問小狗病情。看來唔止羅家人，就連羅家小狗苟芸慧都一樣親。睇完獸醫，苟坐羅母車一齊返回蠔涌寓所。
據知羅天宇近月因為有份主演處境劇《愛•回家》，未必日日都會返蠔涌屋企，但苟芸慧幾乎隔日黐住羅母，總有機會與羅天宇見面。上周六（ 11日），苟芸慧又在蠔涌過夜，周日下午 4時許她素顏離開，似是剛睡醒的樣子。未幾才見一早已外出的羅母返家，證明羅母不在家，苟芸慧一樣可以自由出入羅家，如同屋企人。
多頭住家 返將軍澳
本刊發現苟芸慧工作密麻麻，而且行蹤飄忽。早前她完成 TVB工作後，與同是華姐出身的好友李亞男齊齊返回將軍澳寓所，至深夜仍未見苟姑娘離開。
高街有私竇
另一次活動後，苟芸慧返回港島區西環高街一私人寓所，並手持住戶證自由出入，真係狡兔有三窟。
港男跑車遊街
羅天宇暫時只有《愛．回家》一套劇。
上周六（ 11日）出席 TVB活動後，他與友人去旺角食拉麵吹水打發時間。家底厚的他出入以 40萬寶馬 Z4跑車代步，相當富貴。
羅天宇家底厚
羅天宇在單親家庭長大，自小其生父已出走，之後他與母親相依為命，姓氏更索性跟母姓羅，其母及後改嫁他人。羅母投資有道，除與現任丈夫於西貢蠔涌路開設燒烤場及茶餐廳生意，更有炒賣物業，高峰期曾手持麗港城、匯景花園及黃埔花園三個物業，總值超過三千萬。早年，兩人住過元朗加州豪園及翠巒獨立屋，為了方便打理生意，近年才搬到西貢居住。平日母子兩人亦以靚車出入，母親揸白色 Mini Cooper，羅天宇則以白色寶馬 Z4溝女跑車代步。
羅母持有 Mini Cooper S
元朗翠巒千萬獨立屋
金喜花園燒烤場
羅天宇：我掛住佢
周二晚（ 14日），羅天宇在將軍澳電視城拍《愛•回家》，對於苟芸慧經常在其蠔涌家過夜，他似乎早已知情。「我知 Christine（苟之洋名）成日都會去，因為佢同我媽咪關係好好。（咁你係咪住 喺 嗰度？）我都係住西貢……但唔係同媽咪住。其實媽咪成日都好想我 哋 喺番埋一齊，仲當正佢係新抱仔。阿媽都係想幫我箍煲。（苟芸慧話會俾時間你長大，會唔會考慮復合？）將來 嘅 嘢唔知，唔係冇機會囉！其實我間中都會掛住佢。」
男方對復合留有餘地，中間仲有羅母做和事老，應該未完全斬纜。周三（ 15日）下午 1時，苟芸慧出席化妝品牌開幕活動時，聽到羅天宇話有機復合，表現驚訝：「吓！佢冇同我講。（佢親口同本刊記者講。）」此時苟芸慧報以甜笑，而身旁的無 綫經理人聽到有關羅天宇的提問，欲出手拉走她。記者隨即表示近日多次影到她在羅家過夜，她直認不諱說：「我成日去嗰度搵契媽，佢煲湯我飲。」有契媽撐腰，看來苟芸慧要翻撻羅天宇，絕對唔難。
爆阿媽幫手箍煲
羅天宇周二晚（ 14日）向記者承認自己思想未夠成熟，不過唔排除有機會與苟芸慧復合。對於阿媽幫手箍煲，他坦言阿媽的出發點係唔想冇 咗呢個好新抱。
避談感情事
苟芸慧周三（ 15日）出席活動時回應經常到羅家過夜，即時面色一沉。支吾以對後亦承認與羅母關係密切，無 綫經理人見狀即拉走她，表示私人事一概不答。
苟芸慧旺桃花
苟芸慧樣子甜美，桃花緣不俗，短短 3年間由茄角變主角。最近她成監製新寵，在《飛虎》及《怒火街頭 2》做第二女主角，下半年有份主演的《金枝慾孽貳》同《法網狙擊》相繼推出，現時她趕拍《仁心解碼 II》。工作不斷連緋聞都接踵而來，自去年與羅天宇分手，除拍檔鄭嘉穎及蕭正楠相繼埋身，更有傳有家室的曹永廉亦不避嫌與她同坐一櫈而傳緋聞。楊受成二公子楊政龍都嗒糖，邀請她上船 P。
此外，監製錢國偉亦點名要求她拍《喜愛夜蒲 2》，不過在女友陳苑蔚反對下，才放棄起用苟芸慧做女主角。苟姑娘果然電力驚人，難怪被指是新一代「姣精」。
苟芸慧在《怒火 2》中與鄭嘉穎有多場咀戲，有報道指兩人拍攝期間交換電話號碼，態度親密，咀出真感情，但苟即時否認。《蘋果日報》圖片
最近苟芸慧有份拍《仁心解碼》，她被指主動約蕭正楠食飯兼坐順風車，另一方面又大讚同劇演員梁烈唯，因而成為新一代姣精。
羅天宇在《愛．回家》與劉丹飾演兩爺孫，劇中的角色性格與真人一樣是思想未成熟的青年，他與劇中飾演妹妹的蔣家旻甚多對手戲。
《蘋果日報》圖片
留言列表
{{ article.title }}
