博出位
奧運瘋 我為丹狂
奧運就快尾聲，仲有幾日媽咪姐終於有覺好 瞓囉！其實唔少藝人日日捱眼瞓，就係為 咗見證偶像攞牌一刻。好似阿 Sa同方力申，見證完單車手李慧詩為港增光，第一時間 喺微博祝賀。不過亦因為咁，就俾內地網友狂插佢 哋夾硬將中國、香港分家。言者無心，聽者有意，媽咪姐都戥佢兩個唔抵囉！
李慧詩攞牌，大家自然興奮，不過萬人迷林丹奪金，更加多藝人喺微博分享心情。除 咗王菲上載同超級丹合照，袁詠儀睇比賽 嗰陣，更緊張到通屋跑，全城為「丹」狂！
王菲晒合照
估唔到平時 cool開 嘅王菲都係超級丹頭號粉絲。林丹攞金牌後，王菲第一時間上載咗張佢同老死趙薇再加超級丹嘅合照，又問林丹記唔記得大明湖畔之約，喂喂！小心老公呷醋好喎！
袁詠儀緊張跑圈
又一個捧超級丹嘅粉絲藝人，靚靚一邊睇比賽一邊喺屋企跑圈，順手 keep fit減吓肥，一舉兩得。
黃曉明晒「那些年」
雖然超級丹係運動員，不過佢同唔少藝人都好熟。除咗王菲同 Eason，原來佢同黃曉明都相識多時，黃仲拎張陳年相出嚟，好似同超級丹好 friend咁喎！
Eason急攞簽名
Eason為偶像丹專登遠赴倫敦捧場。除 咗同偶像合照，當超級丹攞 咗金牌之後，佢仲第一時間叫偶像幫佢件衫簽名，真係恨死媽咪姐囉！
王菀之心臟病發
自認係超級丹忠實粉絲 嘅王菀之，未睇比賽前，已經不斷喺微博幫偶像打氣，睇比賽 嗰陣，就猛話緊張到心臟病發。到偶像攞完獎，直情喊埋出嚟，夠晒真性情。
阿 Sa方力申遭圍攻
李慧詩為香港奪單車銅牌，原本係香港人開心事，一班藝人亦興奮到第一時間上微博，點知咁就出事啦。阿 Sa同方力申，只係因為寫 咗香港，而唔係寫中國香港，就無啦啦俾幾百個內地同胞圍攻，話佢 哋唔尊重中國喎。喂喂！咁奧運都有分中國隊同中國香港隊啦，李慧詩又真係代表香港嘛。阿 Sa、小方，媽咪姐今次撐硬你 哋！ 
網友插
網友插
全站熱搜
留言列表
{{ article.title }}
