王氏伉儷為靖喬悉心打扮，呢位小公主流住口水，見有人影相就睜大眼望到實，十分得意。
媽咪姐
王浩信繼續造人
上周六（ 4日）係王浩信（ Vincent）同陳自瑤（ Yo Yo）嘅愛女靖喬出世 100日大日子，爸爸王浩信豪使接近廿萬，喺九龍 ICC 101樓「翡翠雲臺」包場宴請親朋。
媽咪姐第一次見小靖喬，臉珠肥嘟嘟，手腳好似節瓜咁大碌，仲好八卦成日偷聽大人講嘢，鬼死咁得意，難怪成功收服王生、王太。佢哋仲話想繼續添多兩丁喎！
人緣甚好嘅王氏伉儷，當晚得到唔少圈中好友俾面出席，特別係之前同王浩信合作拍《名媛望族》扮兩父子 friend咗嘅劉松仁、江美儀、陳法拉男友、王浩信前唱片公司老闆薛世恒等。媽咪姐眼利 𥄫到松哥人到禮到，封禮係現兜兜，最實際嘛。不過佢竟然用 TVB公文袋裝住，真係估佢唔到呀！
百日宴嘅回禮禮品係皇冠狀餅餅，掛埋 B女肥嘟嘟靚相，邊捨得食呀！
瘦啲，靚仔嘛！（設計對白）
松哥竟然用 TVB公文袋（右圖）當禮封外，連 iPhone套都用埋自己嘜頭，唔怪得江美儀笑到眼都唔見啦！
法拉男友薛生（左）單拖到賀，佢話女友唔得閒，所以冇嚟！不過唔知點解，薛生好似瘦咗靚仔咗，仲同袁偉豪似樣咗嘅？
全站熱搜
留言列表
{{ article.title }}
