鄭佩佩係今次嘅特邀演員，梗有料到！而欣宜都七情上面，交足戲。
無阿爸教路，惟有靠自己啦！（設計對白）
媽咪姐
欣宜頂硬上
由鄭欣宜、林曉峰（ Lo）同鄭佩佩合演嘅音樂劇《一屋寶貝》啱啱公演，媽咪姐有去睇呀！上星期五（ 3日）仲特登去睇佢哋綵排。講開呢套劇，原來係欣宜嘅處女音樂劇，所以佢好緊張呀，日日去 studio排戲排足 9粒鐘，又唔怕面懵去請教佩佩姐同阿 Lo兩位前輩。
欣宜好肉緊咁話：「之前羅敏莊（ Mimi）都做過我呢個角色，所以自己好大壓力。如果我用佢 嘅方法，一定做得唔夠佢好，咁索性擺低，做自己！」
「我中文唔好，又零記性，呢次做音樂劇真係好大嘅挑戰！」點解唔搵身經百戰嘅老竇秋官教你兩招呀？「由開始綵排到依家，我未見過 daddy，嗯……其實呢度排練 嘅時間都比較長，再加上……真係冇機會見到佢。」
早排欣宜仲因為聲帶生枕，成個人差啲崩潰！「我可以接受永遠都唔瘦，可以毀容，但接受唔到冇 咗把聲。我 啱 啱先起步，好多 嘢都未做！」唉，媽咪姐真心建議秋官真係要抽時間去睇吓欣宜，個女聲帶生枕又做音樂劇咁辛苦，做人老竇嘅，係咪點都要俾啲鼓勵先？ 
一班演員日對夜對排戲，熟絡晒！乜都笑得一餐。
男主角朱栢謙（左）係資深舞台劇演員，阿 Lo就慣性搞笑，應該有火花喎！
全站熱搜
留言列表
{{ article.title }}
