靚女都要撩鼻屎去洗手間,何況係英女皇。當日運動員進場時,英女皇不慎被影到撩指甲。
出外埠
奧運開幕英女皇撩指甲
四年一度嘅奧運上周五於倫敦舉行盛大揭幕儀式。當中有煙花又有民族表演,就連英女皇都客串埋一份,粉墨登場同「占士邦」丹尼爾格力演出一段短片。呢個環節備受外界讚賞,負責開幕表演策劃嘅導演丹尼爾保爾更激讚女皇醒目一 take過,係一位好演員。
不過女皇始終唔係職業演員,要演好成場騷,確係有難度。喺運動員進場期間,鏡頭竟突然轉向元首席,可憐女皇未知發生咩事,一時忘形怒目而視,一時耷低頭撩指甲,為開幕儀式添上唔少花邊新聞。
奧運播嘅片段當中,「占士邦」丹尼爾格力偕英女皇出巡上直升機。
之後英女皇就由飛機跳傘空降奧運場館。跳傘嗰位當然唔會係英女皇,而係一位男特技人。
中途更無故怒目而視,一派威嚴。喂喂喂,輕鬆啲啦英女皇。
留言列表